Iwinna 5:41 - Edo Bible (E Baibol Ẹdo) Version 1996

⁴¹ Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Iwinna 5:41 ပူးပေါင်းရင်းမြစ်များ

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 65:14

“Iran gha so ihuan oghọghọ, sokpan wa gha viẹ eve orriara.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Iyẹn ne ọ Maan Ọghe Luk 6:22

“Ọ maa ne uwa vbe emwa a gha khuiwu uwa, vbe iran a vbe kan uwa fua, iran na vbe gha zan uwa kha ighẹ emwa dan wa khin rhunmwuda Ovbi Ọmwa.

Iyẹn ne ọ Maan Ọghe Jọn 15:21

Sokpan iran gha ru uwa avbe emwi na hia rhunmwuda ighe uwa re ogho mwẹ, rhunmwuda iran ma rẹn ọmwa ne ọ gie mwẹ.

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Iwinna 5:21

Avbe ukọ keghi wa ru vbene ọ tama iran. Ẹdẹ ghi gbe, iran keghi la uwu Ọgua Osa, iran kegha ma emwa emwi. Ogie Ohẹn kevbe ivbi otu ẹre keghi tie ediọn avbe Ju gha die iko ọgbakha, rẹn keghi gie gha rrie ẹwẹdọ ne a ya viọ avbe ukọ nii do mudia ye iran odaro.

Ebe ne Pọl gbẹẹn gie emwa Rom 5:3

Ma ghi vbe gha ghọghọ vbe uwu ọlọghọmwa, rhunmwuda ọlọghọmwa ọre ọ biẹ i ziengbe,

II Kọrinti 12:10

Ẹko ẹre vuọn mwẹ ighẹ ne I ma na wo vbe egbe, ne a na tie ẹbọ mẹ, ẹsọn, ukpokpo, kevbe orueghe rhunmwuda Kristi. Rhunmwuda ẹghẹ ne I ma na wo vbe egbe ọre I na mwẹ ẹtin.

Filipai 1:29

Rhunmwuda, a yae ru mwa ẹse nẹ wẹ, ne uwa gha ga Kristi, ẹ i re vbe ne a na ya irẹn yi ọkpa, sokpan vbe ne a na vbe rri oya ne irẹn.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

III Jọn 1:7

Rhunmwuda, okhian ne iran kpaegbe yo vbe ọghe iwinna Kristi, iran i miẹn avbe emwa ni ma yayi emwi rhọkpa.