Iwinna 5:40 - Edo Bible (E Baibol Ẹdo) Version 1996

⁴⁰ Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 5:40 ပူးပေါင်းရင်းမြစ်များ

Itan 12:10

Ọmwa esi ghi gha gbearoghe emwi irri ẹre, sokpan, emwa dan ghi gha ru ọghe iran khọ.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Emọs 2:12

Sokpan, wa kegha ya ayọn ne Nazarait da, wa na wẹ ne avbe akhasẹ ghẹ ta uhunmwu ne I gie iran re ma uwa.

Maika 2:6

Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.

Matiu 10:17

Wa yegbe, rhunmwuda emwa eso gha dekun uwa mu gha rrie iko, a gha vbe gbe uwa asan vbe Ọgua ediọn iran.

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Iyẹn ne ọ Maan Ọghe Mak 13:9

“Wa tobọ uwa, wa ghi khẹ ye egbe. Rhunmwuda emwa gha dekun uwa gha munọ ye iko ẹzọ. Iran gha gbele uwa vbe Ọgua ediọn. Wa gha mudia vbe odaro avbe ọba kevbe ekhaẹmwẹ rhunmwuda mwẹ, ne uwa kpe orhu Iyẹn Ne ọ maa ma iran.

Iyẹn ne ọ Maan Ọghe Luk 20:10

Ọ ghi sẹ ẹghẹ ne a ya rhọ emwiokọ, ọ keghi gie ọviẹn ọnrẹn ọkpa ne ọ ya miẹn iran emwiorhọ ne ọ sẹ irẹn egbe viọ rre. Sokpan iran ni gbe aro ghe ugbo nii keghi gbe ọviẹn ni, iran na khu ẹe, ọ na fiabọ gha rrie.

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

II Kọrinti 11:24

Igba isẹn avbe Ju he gbe mwẹ asan ọkpairrọvbiyeva.