Iwinna 5:4 - Edo Bible (E Baibol Ẹdo) Version 1996

⁴ Ẹghẹ ne u ma na he khiẹn emwi ni, wẹ ọre ọ yan rẹn. Ugbẹn vbe u vbe khiẹn ọẹn nẹ, wẹ ọ ye vbe yan rẹn. Vbe ekhọe ruẹ ghi na gue zẹ iro hẹ yi ne u ru egbe emwi vbe nian? Ẹre ọmwa ne agbọn ọre u ta ohoghe ma, Osanobua ọre u ta ohoghe ma.”

Iwinna 5:4 ပူးပေါင်းရင်းမြစ်များ

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

I Krọnikol 29:3

Yevbe deyan ena hia ne a mu egbe ẹre ye otọ na, I kevbe viọ avbe igoru kevbe esiliva ọghe obọ mwẹ ladian rhunmwuda vbene iho ẹmwẹ Ọgua Osa ọghe Osanobua hẹ.

I Krọnikol 29:5

Kevbe ne avbe emwi hia ne a vbe owinna gha ye obọ ru. Banbanna nian, de ọmwa ọvbehe ne ọ ho ne ọ zẹ ọhẹ ne a i na kokobọ rre ne Nọyaẹnmwa?”

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

Job 15:35

Iran na ọrọre emwa ni mwamwa orueghe, iran ghi vbe gha ru emwi dan. Erẹrẹ ọ re ọ vuọn orhiọn iran vbe ẹghẹ hia.”

Psalm 139:4

Uhin vbe I te guan ladian; u rẹn ẹmwẹ ne I ra ta nẹ.

Psalm 7:14

Ghe vbene emwa dan zẹ iro dan hẹ: Iran ghi gha khuẹn ifi ọlọghọmwa, iran ghi gha do ẹki erẹrẹ.

Ẹksọdọs 16:8

E Mosis keghi kha wẹẹ, “E Nọyaẹnmwa ọre ọmwa ne ọ ra rhie emiowo ne uwa re vbe ota kevbe inu ebrẹd ne uwa ho vbe owiẹ, rhunmwuda ọ họn vbe ne uwa ghi gui ẹzọ irẹn hiẹ.”

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Asan-Ibo 5:5

A ma zẹdẹ ve emwi ọ re ọ maa sẹẹ a ghi ve nẹ, a ma ghi ru ẹe.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Ezikiẹl 38:10

Ẹmwẹ ne Nọyaẹnmwa ne Udazi tama e Gọg ọ re ọ ọna khin, “Ọ gha ghi sẹ ẹghẹ nii, u gha suẹn gha mwamwa emwamwa dan vbe ẹko ruẹ.

Nọmbas 16:11

Wa gha gui ẹzọ uwu unu ghe Errọn, vbe ẹmwata, e Nọyaẹnmwa ọre uwẹ vbe irogho ruẹ sọtẹ ọre.”

Iyẹn ne ọ Maan Ọghe Luk 10:16

Ọ keghi tama avbe erhuanegbe ẹre wẹẹ, “Ọmwa ne ọ họn ọghe uwa, họn ọghomwẹ. Ọmwa ne ọ ma miẹn uwa yi, mẹ ọre ọ ma miẹn yi, ọmwa ne ọ ma miẹn uwa yi, ọ ma miẹn ọmwa ne ọ gie mwẹ yi.”

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

I Kọrinti 8:8

Vbene ọ rhirhi gha ye hẹ, evbare i sẹtin si ima sikẹ Osanobua sẹ ayọ, a deghẹ a ma re, emwi rhọkpa ma wi mwa, a gha vbe re, emwi na miẹn rhie i vbe rrọọ.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

Failimọn 1:14

Vbene ọ rhirhi gha ye hẹ, I ma ho ne I ya obọ yẹn ruẹn ehọ gha ru iyobọ mẹ, sokpan, I ho ne u ye ekhọe obọ ruẹ ru ẹe. Rhunmwuda ọnii, I i ra ru emwi rhọkpa vbe ẹ i re te u kue yọ nẹ.

Jems 1:15

Emwi dan ne ọ ho ghẹ ghi hanmwa nẹ, ọ ghi biẹ orukhọ, orukhọ ghẹ ghi wan nẹ, ọ ghi biẹ uwu.

I Samuẹl 8:7

E Nọyaẹnmwa keghi tama rẹn wẹẹ, “Danmwehọ ẹmwẹ ne iran rhirhi tama ruẹn, ẹ i re uwẹ ọ re iran he, mẹ ọ re iran he zẹ vbe ọba iran.