Iwinna 5:38 - Edo Bible (E Baibol Ẹdo) Version 1996

³⁸ Vbe ọghe ne a ye na nian, I gha tama uwa wẹ ne uwa ghẹ ru iran na emwi rhọkpa. Wa sẹ iran rae rhunmwuda, deghẹ emwamwa kevbe iwinna iran na ighẹ ọtọn otọ rre ọghe ọmwa ne agbọn nọ, te ọ ra vbe wiẹghẹ ua.

Iwinna 5:38 ပူးပေါင်းရင်းမြစ်များ

Nehimaia 4:15

Avbe eghian keghi họn wẹ ma rẹn nẹ wẹ iran khuan khẹ ima, ọ na vẹ ne iran rẹn wẹ Osanobua duẹ uma ne iran si ua nẹ. Ẹre ima hia ghi na werriegbe ya gha gbe ekẹn ni khian.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 14:25

I gha rẹnkhẹn ivbi Asiria ni rre otọe Izrẹl ne ọghomwẹ, I ghi ya owẹ rrilo iran ginna otọe vbe uhunmwu oke mwẹ, I gha fannọ emwa mwẹ yotọ hin urọnghọn Asiria rre kevbe hin ihe ne a wẹ ne iran mu.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Matiu 15:13

Jesu wanniẹn tama iran wẹẹ, “Erhankerhan ne erha mwẹ ne ọ rre ẹrinmwi ma kọ, te a ra vbọlọ ehia kua.

Iyẹn ne ọ Maan Ọghe Mak 11:30

Wa tama mwẹ, de ehe ne Jọn na miẹn asẹ ne ọ ya samẹ yi, obọ Osanobua ra obọ ọmwa?”

Iyẹn ne ọ Maan Ọghe Jọn 11:48

Ma gha gie ẹe gha ru avbe emwi na khian vberriọ, emwa hia gha do ya ẹe yi, ẹghẹ nii, arriọba e Rom gha ye ohu guọghọ ima Ọgua Osa, ọ ghi khọn ẹvbo ima muotọ.”

Iwinna 5:35

Rẹn keghi tama Iko wẹẹ, “Wa ne ivbi Izrẹl, wa mwẹ ẹwaẹn vbe emwi ne uwa ho ne uwa ru iran na re.

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”