Iwinna 5:36 - Edo Bible (E Baibol Ẹdo) Version 1996

³⁶ Vbe nẹdẹ eso, Tiudas ladian ọ wẹ a ma he miẹn egbe irẹn ẹdẹ, emwa ni sẹ uri eva keghi ye egbe ba ẹre. Sokpan, a ghi gbe ẹe rua nẹ, emwa ni te lele ẹe khian keghi zagha, otu ne ọ mu gbọọ keghi wiẹghẹ ua.

Iwinna 5:36 ပူးပေါင်းရင်းမြစ်များ

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 24:26

“Ra deghẹ emwa eso vbe do tama ruẹn wẹẹ, ‘Ọ rre uwa ato,’ ghẹ yo ‘Do ghe vbe ọ lẹre ye emwa’ ghẹ yayi.

Matiu 24:5

Rhunmwuda, emwa ni bun gha rre vbe eni mwẹ wẹẹ, ‘Mẹ ọrọre nene Mẹzaia,’ iran ghi vbe rẹrẹ emwa ni bun re.

Iwinna 21:38

Ọnii nọ wẹ, wẹ i re ovbi Igipt nii ne ọ si otighi ye ẹvbo nẹdẹ eso, ọ na viọ emwa ni sọtẹ arriaisẹn enẹ ba egbe la otọ ẹgbo?”

Iwinna 5:35

Rẹn keghi tama Iko wẹẹ, “Wa ne ivbi Izrẹl, wa mwẹ ẹwaẹn vbe emwi ne uwa ho ne uwa ru iran na re.

Iwinna 8:9

Okpia ọkpa ne a tie ẹre Saimọn keghi rre ẹvbo ni, ọ keghi kpẹe kherhe ne ọ kegha zẹ ọbo edunna ya runran emwa Sameria. Ọ kegha kha ighẹ ọmwa nọkhua rẹn khin.

Galatia 2:6

Sokpan iran ni ye vbe avbe olotu, I tae vberriọ, rhunmwuda, emwi ne iran khin, i mwẹ esa nọ khin ne imẹ, rhunmwuda Osanobua ighe ikpakpa ya bu ohiẹn. Vbene I kha re, avbe olotu ma vbe gun mwẹ zẹ iro emwi ọgbọn.

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

II Pita 2:2

Ọ rhe ye vberriọ ni bun gha ye gha yin uyinmwẹ alama iran khian, a ghi do miẹn wẹ, rhunmwuda emwi ne iran ru, emwa ghi do gha ye ukpẹ sakan Odẹ ẹmwata nii.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.

Arhie Maan 17:3

Orhiọn keghi hin yan mwẹ, odibosa ni keghi mu mwẹ gha rrie uwu ato. Evba ọre I na ya dẹghe okhuo ọkpa, ọ keghi tota yan aranmwẹ oha ne ọ baa ọkpa, ne a wa gbẹnnẹ eni dan gba ẹre aro gba ẹre iyeke, ọ keghi mwẹ uhunmwu ihinrọn kevbe igho igbe.

Arhie Maan 17:5

Iran keghi gbẹn eni ne ọ mwẹ emwi oro ne a yae kha ye ọre uharo wẹ, “Babilọn Nọkhua, iye ebabotu hia kevbe avbe emwi ni kẹkua hia vbe agbọn.”