Iwinna 5:32 - Edo Bible (E Baibol Ẹdo) Version 1996

³² Ma ọrọre osẹe emwi na hia, ma kevbe Orhiọn Ne Ọ Huanrẹn ne Osanobua ya ru emwa hia ni họn ẹmwẹ ọnrẹn ẹse.”

Iwinna 5:32 ပူးပေါင်းရင်းမြစ်များ

Iyẹn ne ọ Maan Ọghe Jọn 7:39

Jesu ta ẹmwẹ na rhunmwuda Orhiọn ne a gha rherhe rhie ne iran ni ya ẹe yi. Ẹghẹ na, a ma he rhie Orhiọn ne ọmwarhọkpa rhunmwuda a ma he tọn Jesu mu la uwu uyi.)

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 10:44

Vbene Pita wa guan vbe obọ nii, Orhiọn Ne Ọ Huanrẹn keghi tuorre yan iran ni danmwehọ ẹmwẹ ọnrẹn.

Iwinna 13:31

Vbe ikpẹdẹ ni bun, iran ni lele ẹe ke Galili gha die Jerusalẹm miẹn ọẹn. Iran na ọre ọ ghi re osẹe ọre vbe odaro ivbi Izrẹl.

Iwinna 15:28

Rhunmwuda, Orhiọn Ne Ọ Huanrẹn kevbe ima tae nẹ wẹ ne a ghẹ vbe kun ihẹ ọvbehe ne uwa gberra avbe ilele ne ọ kere na:

Iwinna 2:32

“Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 5:29

Pita kevbe avbe ukọ nekpa wanniẹn wẹẹ, “Ne Osa khare ọre ima ra ya ru emwi ighẹ ẹ i re ne emwi ne agbọn khare.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

II Kọrinti 13:1

Ukpogieha ne I ghi re ra do miẹn uwa, ọre ọna khin na. Ebe tae wẹ, “A gha ba ọmwa ifi ẹzọ, ọ kere ne a gha mwẹ osẹe eva ra eha ni gha sẹ osẹe.”

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.