Iwinna 5:3 - Edo Bible (E Baibol Ẹdo) Version 1996

³ Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

Iwinna 5:3 ပူးပေါင်းရင်းမြစ်များ

Job 22:13

Sevba, te uwẹ ye nọ wẹẹ, ‘De emwi ne Osanobua rẹnrẹn? Ikpakpaiso degue ẹre nẹ, vbe ọ ghi na sẹtin gha bu ohiẹn ima hẹ?’

Itan 20:25

Roro ẹe ẹsẹse u ke yan wẹ u gha ya emwi ha oko gie Osanobua. U sẹtin gbe I ma rẹn vbe okiekie.

Asan-Ibo 5:4

Rhunmwuda ọnii, u gha ve Osanobua emwi, zẹgiẹgiẹ ru ẹe vbene u gha sẹtin rhulẹ ru ẹe sẹ. Rẹn i mwẹ vbe ọ ya ọzuọ ru. Ru emwi ne u yanrẹn ighe u gha ru.

Aizaia 29:15

Ọghe iran fo ighe avbe emwa ni ho ne iran gha rhie emwamwa iran lẹre ne Osanobua. Iran ru emwi ne iran mwamwa ẹn vbe ẹkhokho, iran ghi vbe gha ro wẹ ọmwarhọkpa i ra bẹghe iran, ra ne iran rẹn emwi ne iran ru.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Nọmbas 30:2

Ọmwa gha ve emwi wẹ rẹn gha rhie emwi ne Nọyaẹnmwa, ra te ọ vẹn ihẹn wẹ rẹn gha zobọ vbe emwi eso, ọ ghẹ rhie obọ gberra eyan ne ọ yan rẹn nii, sokpan ọ ghi ru emwi hia vbene ọ kha re wẹ rẹn ra gha ru.

Matiu 13:19

Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Iyẹn ne ọ Maan Ọghe Luk 22:3

Setan keghi la uwu Judas ne a tie ẹre Iskariọt, ọkpa vbe uwu iran ne iweva.

Iyẹn ne ọ Maan Ọghe Jọn 13:2

Jesu kevbe avbe erhuanegbe ẹre keghi rri evbare ota. Esu wa tae nẹ wẹẹ Judas ne ovbi e Saimọn Iskariọt ọre ọ gha rhie Jesu ma.

Iyẹn ne ọ Maan Ọghe Jọn 13:27

Ugbẹn vbe Judas ghi wa rhie ebrẹd nii nẹ, Esu keghi la uwu ẹre. Jesu keghi tama rẹn wẹẹ, “Gie obọ gha kẹe vbe emwi ne u ra ru ni.”

Iwinna 5:2

Sokpan rẹn keghi fian rhie ye otọ vbe igho ẹre, zẹ vbe ọghe obọ ẹre, aro ọvbokhan rẹn kevbe sẹ ọe, ọ keghi mu ne ọ dekẹe gie avbe ukọ.

Iwinna 5:4

Ẹghẹ ne u ma na he khiẹn emwi ni, wẹ ọre ọ yan rẹn. Ugbẹn vbe u vbe khiẹn ọẹn nẹ, wẹ ọ ye vbe yan rẹn. Vbe ekhọe ruẹ ghi na gue zẹ iro hẹ yi ne u ru egbe emwi vbe nian? Ẹre ọmwa ne agbọn ọre u ta ohoghe ma, Osanobua ọre u ta ohoghe ma.”

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

Diuteronomi 23:21

“U gha ru eyan emwi ne Nọyaẹnmwa Osanobua ruẹ, ghẹ fi iyeke gbe, vbe na i na ru emwi nii, e Nọyaẹnmwa gha ka ẹe yuẹ urhu ighẹ emwi ne u yanrẹn, orukhọ nọ a deghẹ a ma mu ẹẹn sẹ.

Jems 4:7

Rhunmwuda ọnii khekherriọ, wa gha zẹ egbe uwa obọ ne Osanobua. Wa mu aro igbinna da Esu, ọ gha lẹ hin ehe ne uwa ye rre.

I Pita 5:8

Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.