Iwinna 5:28 - Edo Bible (E Baibol Ẹdo) Version 1996

²⁸ “Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 5:28 ပူးပေါင်းရင်းမြစ်များ

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

I Ọba 22:8

Ehab keghi wanniẹn wẹẹ, “Ọkpa ye rrọọ, Makaia ne ovbi Imla, sokpan I i ho ẹmwẹ ọnrẹn rhunmwuda, ẹ i ta ẹmwẹ esi ma mwẹ, emwi dan nọ vbe ẹghẹ hia.” E Jehosiafat keghi wanniẹn wẹẹ, “Ghẹ kha vberriọ.”

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Emọs 7:10

Amezaia ne ohẹn ne ọ rre Bẹtẹl keghi gie ne a tama Jeroboam ne Ọba Izrẹl wẹẹ, “Emọs gha khuan isọtẹ khẹ ruẹ vbe ehe ne avbe emwa ye. Ẹmwẹ ne ọ guan gha wa fuẹn uhunmwu ẹvbo na.

Matiu 21:44

Ọmwa ne ọ de gbe okuta ni, gha guọghọ ua. Sokpan ọmwa ne okuta ni de gbe gha wa rẹnkhuan.]”

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.