Iwinna 5:27 - Edo Bible (E Baibol Ẹdo) Version 1996

²⁷ Iran keghi viọ avbe ukọ la owa, iran na viọ iran mudia vbe odaro Iko, Ogie Ohẹn keghi nọ iran ọta:

Iwinna 5:27 ပူးပေါင်းရင်းမြစ်များ

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iyẹn ne ọ Maan Ọghe Luk 22:66

Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba.

Iwinna 22:30

Ọkaokuo nii keghi ho ne irẹn rẹn ẹzọ emwi ne avbe Ju mobọ gu Pọl gui. Rhunmwuda ọnii, ẹdẹ ghi gbe, ọna wẹ ne a rhan eghan hin e Pọl egbe rre, ọ na wẹ ne avbe igie ohẹn kevbe iran ni do Iko gha die iko, ọ na do rhie Pọl mudia ye odaro iran.

Iwinna 4:7

Iran viọ avbe ukọ ni mudia ye odaro iran, iran keghi nọ iran wẹẹ, “Vbe uwa ya ru emwi na hẹ? De ẹtin ne uwa mwẹ? de eni ọmwa ne uwa ya ruẹe?”

Iwinna 5:21

Avbe ukọ keghi wa ru vbene ọ tama iran. Ẹdẹ ghi gbe, iran keghi la uwu Ọgua Osa, iran kegha ma emwa emwi. Ogie Ohẹn kevbe ivbi otu ẹre keghi tie ediọn avbe Ju gha die iko ọgbakha, rẹn keghi gie gha rrie ẹwẹdọ ne a ya viọ avbe ukọ nii do mudia ye iran odaro.

Iwinna 5:34

Sokpan, ọkpa vbe uwu iran, e Farisi ne a tie eni ẹnrẹn Gamaliẹl, ọmwa ne ọma emwa uhi, ne emwa hia wa ya ọghọ na keghi guakpao vbe Iko ni, ọ na wẹ ne iran viọ avbe ukọ ghe ore.

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.