Iwinna 5:26 - Edo Bible (E Baibol Ẹdo) Version 1996

²⁶ Olotu iran ni khẹ odẹ keghi viọ emwa rẹn ba egbe, ọ keghi ya viọ avbe ukọ werriegbe rre. Sokpan iran ma ghi zaro mu iran, rhunmwuda ohan emwa mu iran ne iran ghẹ ya filo okuta gbele iran an.

Iwinna 5:26 ပူးပေါင်းရင်းမြစ်များ

Matiu 14:5

Hẹrọd gha te wa gbe ẹe rua, sokpan ohan avbe Ju kegha muẹn rhunmwuda iran hia wa ka e Jọn ye akhasẹ ẹmwata.

Matiu 21:26

Sokpan ma gha kha wẹẹ obọ ọmwa nọ, a ma rẹn emwi ne iran na gha ru rhunmwuda iran hia wa kha ighẹ akhasẹ ẹmwata ọre Jọn khin.”

Matiu 26:5

Iran wẹẹ, “Ọ ma kei ne a ruẹe vbe uwu emwiukpo na ne otutu ghẹ ya tu.”

Matiu 26:58

Pita keghi lele ẹre iyeke gbaan ya sẹ ore Ogie Ohẹn. Rẹn keghi la ore, ọ keghi gu iran ni khẹ odẹ tota ne aro ẹre miẹn ehe na sẹ vbene emwi hia gha dee hẹẹ.

Iyẹn ne ọ Maan Ọghe Luk 20:19

Iran ni ma emwa Uhi, kevbe avbe igie ohẹn keghi te ra wa mu Jesu vbe evba rhunmwuda iran rẹnrẹn ighe rhunmwuda iran ọre ọ na kpa itan ni, sokpan ohan avbe emwa ni rre evba kegha mu iran.

Iyẹn ne ọ Maan Ọghe Luk 20:6

Sokpan ma gha kha wẹẹ, ‘Ọmwa ne agbọn ọre ọ rhie ẹre nẹẹn,’ te iran ni bima ye emwa na filo okuta gbele ima uan, rhunmwuda ekhọe iran hia muẹn ighẹ akhasẹ ọre Jọn khin.”

Iyẹn ne ọ Maan Ọghe Luk 22:2

Avbe igie ohẹn, iran ni ma emwa Uhi, keghi gualọ odẹ vbene iran gha ya gbe Jesu rhunmwuda ohan avbe emwa kẹkan mu iran.

Iyẹn ne ọ Maan Ọghe Luk 22:4

Judas keghi ladian, ọ keghi ya gu avbe igie ohẹn kevbe iran ni winna vbe Ọgua Osa zẹ iro vbene irẹn gha ya rhie Jesu ne iran hẹẹ.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 5:13

Vbene emwa hia ta ẹmwẹ iran ne ọ maa sẹ, a ma miẹn orhiọnkpa ne ẹ i rre otu ni, ne ohan gie ẹe ye egbe ba iran.

Iwinna 5:22

Sokpan ugbẹn vbe emwa ne a gie sẹ ẹwẹdọ, iran ma ghi miẹn avbe ukọ vbe evba, iran keghi bu Iko ni gha dee, iran tama iran wẹẹ,

Iwinna 5:24

Ugbẹn vbe ọkaolotu iran ni gbe aro ghe Ọgua Osa kevbe avbe igie ohẹn họn ẹmwẹ na, iro keghi han iran wẹ, vbe iran ghi ru hẹ ighẹ avbe ukọ na?

Iwinna 5:25

Ẹghẹ ni ọre okpia ọkpa na do tama iran wẹẹ, “Ghe avbe emwa ne uwa viọ khui ye ẹwẹdọ wa rre uwu Ọgua Osa nian, iran gha ma emwa emwi.”