Iwinna 5:25 - Edo Bible (E Baibol Ẹdo) Version 1996

²⁵ Ẹghẹ ni ọre okpia ọkpa na do tama iran wẹẹ, “Ghe avbe emwa ne uwa viọ khui ye ẹwẹdọ wa rre uwu Ọgua Osa nian, iran gha ma emwa emwi.”

Iwinna 5:25 ပူးပေါင်းရင်းမြစ်များ

Psalm 107:14

Ọ viọ iran ke uwu akhiẹ kevbe ebiebi ladian, ọ keghi bunnọ ọgiọrọ iran hẹ kua.

Jerimaia 26:2

E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Daniẹl 3:13

Ọba ghi họn ẹmwẹ na, ohu mu ẹẹn ẹsẹse ọ na wẹ ne a viọ iran eheha na bu irẹn gha dee.

Matiu 10:18

A gha gu uwa gui ma enibuohiẹn kevbe avbe ọba rhunmwuda mwẹ, ne uwa miẹn ehe na kporhu Iyẹn Ne ọ maa ma iran kevbe iran ne ẹ i re Ju.

Iyẹn ne ọ Maan Ọghe Jọn 11:46

Sokpan eso vbe uwu iran keghi bu avbe Farisi gha khian, iran keghi ya gbẹngbẹn emwi ne Jesu ru ma iran.

Iwinna 3:1

Ẹdẹ Ọkpa, Pita kevbe Jọn keghi gba gha rrie Ọgua Osa vbe ihe ẹgogo eha vbe avan, ne iran ya na erhunmwu.

Iwinna 5:24

Ugbẹn vbe ọkaolotu iran ni gbe aro ghe Ọgua Osa kevbe avbe igie ohẹn họn ẹmwẹ na, iro keghi han iran wẹ, vbe iran ghi ru hẹ ighẹ avbe ukọ na?

Iwinna 5:26

Olotu iran ni khẹ odẹ keghi viọ emwa rẹn ba egbe, ọ keghi ya viọ avbe ukọ werriegbe rre. Sokpan iran ma ghi zaro mu iran, rhunmwuda ohan emwa mu iran ne iran ghẹ ya filo okuta gbele iran an.