Iwinna 5:24 - Edo Bible (E Baibol Ẹdo) Version 1996

²⁴ Ugbẹn vbe ọkaolotu iran ni gbe aro ghe Ọgua Osa kevbe avbe igie ohẹn họn ẹmwẹ na, iro keghi han iran wẹ, vbe iran ghi ru hẹ ighẹ avbe ukọ na?

Iwinna 5:24 ပူးပေါင်းရင်းမြစ်များ

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Iyẹn ne ọ Maan Ọghe Luk 22:4

Judas keghi ladian, ọ keghi ya gu avbe igie ohẹn kevbe iran ni winna vbe Ọgua Osa zẹ iro vbene irẹn gha ya rhie Jesu ne iran hẹẹ.

Iyẹn ne ọ Maan Ọghe Luk 22:52

Jesu keghi tama avbe igie ohẹn kevbe avbe ni gbe aro ghe Ọgua Osa kevbe avbe ediọn ni rre do mu ẹn wẹẹ, “Vbọzẹ ne uwa na hẹ umozo kevbe orhokhua gha de yi vbe ne a miẹn wẹ izigan ọre I khin?

Iyẹn ne ọ Maan Ọghe Jọn 12:19

Avbe Farisi keghi rhunmwuda ọnii kha wẹẹ, “Wa ma miẹn ighẹ emwi rhọkpa ma fo mwa hiehiere. Agbọn vbe ẹrinmwi wa kpee lele ẹe khian.”

Iwinna 2:12

Vbene ọ yan iran unu uan, ọ na vbe sunsun ye iran aro nii, iran kegha nọ egbe wẹẹ, “Vbe a ya ena kha?”

Iwinna 4:1

Ehe ne Pita vbe Jọn na wa gu avbe emwa ni guan, avbe igie ohẹn, olotu iran ni khẹ odẹ vbe Ọgua Osa, kevbe avbe Sadusi keghi bu iran gha dee.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 5:23

“Ma sẹ ẹwẹdọ ni, ma do vba ighẹ a khui urho ẹre hia, iran ni khẹ odẹ keghi vbe mudia ye dọmwadẹ onurho, sokpan ma ghi kie urho nian, ma ma miẹn ọmwarhọkpa vbe uwu ẹre!”

Iwinna 5:25

Ẹghẹ ni ọre okpia ọkpa na do tama iran wẹẹ, “Ghe avbe emwa ne uwa viọ khui ye ẹwẹdọ wa rre uwu Ọgua Osa nian, iran gha ma emwa emwi.”

Iwinna 5:26

Olotu iran ni khẹ odẹ keghi viọ emwa rẹn ba egbe, ọ keghi ya viọ avbe ukọ werriegbe rre. Sokpan iran ma ghi zaro mu iran, rhunmwuda ohan emwa mu iran ne iran ghẹ ya filo okuta gbele iran an.