Iwinna 5:23 - Edo Bible (E Baibol Ẹdo) Version 1996

²³ “Ma sẹ ẹwẹdọ ni, ma do vba ighẹ a khui urho ẹre hia, iran ni khẹ odẹ keghi vbe mudia ye dọmwadẹ onurho, sokpan ma ghi kie urho nian, ma ma miẹn ọmwarhọkpa vbe uwu ẹre!”

Iwinna 5:23 ပူးပေါင်းရင်းမြစ်များ

Psalm 2:4

E Nọyaẹnmwa giee ke ẹkete ẹre vbe ẹrinmwi rre, ọ keghi vbe ya uma eghẹrẹ iran gbogiẹ.

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Iyẹn ne ọ Maan Ọghe Jọn 8:59

Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

Iwinna 5:22

Sokpan ugbẹn vbe emwa ne a gie sẹ ẹwẹdọ, iran ma ghi miẹn avbe ukọ vbe evba, iran keghi bu Iko ni gha dee, iran tama iran wẹẹ,

Iwinna 5:24

Ugbẹn vbe ọkaolotu iran ni gbe aro ghe Ọgua Osa kevbe avbe igie ohẹn họn ẹmwẹ na, iro keghi han iran wẹ, vbe iran ghi ru hẹ ighẹ avbe ukọ na?