Iwinna 5:21 - Edo Bible (E Baibol Ẹdo) Version 1996

²¹ Avbe ukọ keghi wa ru vbene ọ tama iran. Ẹdẹ ghi gbe, iran keghi la uwu Ọgua Osa, iran kegha ma emwa emwi. Ogie Ohẹn kevbe ivbi otu ẹre keghi tie ediọn avbe Ju gha die iko ọgbakha, rẹn keghi gie gha rrie ẹwẹdọ ne a ya viọ avbe ukọ nii do mudia ye iran odaro.

Iwinna 5:21 ပူးပေါင်းရင်းမြစ်များ

Psalm 105:22

Deba asẹ vbe uhunmwu avbe ewọe ọba, kevbe asẹ wẹ, ne ọ gha gie odẹ ma iran, ne ọ gu irẹn zẹ iro.

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iyẹn ne ọ Maan Ọghe Luk 22:66

Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba.

Iyẹn ne ọ Maan Ọghe Jọn 18:35

Pailet wanniẹn wẹẹ, “Te uwẹ wẹ Ju mẹ khin ra, avbe emwa ruẹn kevbe avbe igie ohẹn ọre ọ mu ẹn gun mwẹ, vbe u a ru?”

Iyẹn ne ọ Maan Ọghe Jọn 8:2

Vbe owiẹ vbirrivbirri vbe ẹdẹ ne ọ lele ẹe, Jesu keghi dọlegbe gha rrie Ọgua Osa, emwa hia keghi ma rhu ẹe, ọ keghi tota gha ma iran emwi.

Iwinna 22:15

Rhunmwuda osẹe oghẹ ẹe ọre u khian gha khin ne u ya tama emwa hia emwi ne u miẹn kevbe ne u họẹn.

Iwinna 22:5

Ogie Ohẹn kevbe iran ne emwa iko gha rẹn ighẹ ẹmwata ọre I ta. Iran ọre I miẹn ẹre ebe ne a rhie gie avbe Ju ne etẹn mwa ni rre Damaskọs, ọre I na gha khian ne I ya munọ emwa na, ne I ya eghan gbalọ iran hẹ gha die Jerusalẹm ne a do rri iran oya.

Iwinna 5:17

Ẹghẹ ni ọre ogie ohẹn kevbe ivbi otu ẹre, deba otu emotọ ọghe avbe Sadusi, na wa kakabọ gha gbe ọvo avbe ukọ, iran na ghi wẹ, iran gha gualọ odẹ ne iran gha la iran re.

Iwinna 5:27

Iran keghi viọ avbe ukọ la owa, iran na viọ iran mudia vbe odaro Iko, Ogie Ohẹn keghi nọ iran ọta:

Iwinna 5:34

Sokpan, ọkpa vbe uwu iran, e Farisi ne a tie eni ẹnrẹn Gamaliẹl, ọmwa ne ọma emwa uhi, ne emwa hia wa ya ọghọ na keghi guakpao vbe Iko ni, ọ na wẹ ne iran viọ avbe ukọ ghe ore.

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.