Iwinna 5:20 - Edo Bible (E Baibol Ẹdo) Version 1996

²⁰ “Wa gha rrie uwu Ọgua Osa ne uwa ya gu emwa hia guan vbe kpa arrọọ ọghe ọgbọn na.”

Iwinna 5:20 ပူးပေါင်းရင်းမြစ်များ

Ẹksọdọs 24:3

E Mosis keghi ya gu emwa nii guan vbene Nọyaẹnmwa kha hẹ kevbe iyi ne ọ vbe yi. Emwa nii hia keghi koko wanniẹn wẹẹ, “Ma gha ru emwikemwi ne Nọyaẹnmwa kha re.”

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 26:2

E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Jerimaia 36:10

Ehe ne emwa hia na wa danmwehọ nii e Barọk keghi tie avbe ẹmwẹ hia ne I taa ye ebe ohian nii ladian. Ọgua Osa ọ re ọ na tie ẹre vbe ughugha e Gemaraia ne ovbi e Siafan, ne ọgbenbe ẹguae. Ọgua ne ọ ke ukhunmwu, ọ re ughugha ẹre ye vbe ọkpẹn Onurho Ọgbọn ọghe Ọgua Osa.

Ezikiẹl 33:7

“Banbanna nian, ovbi ọmwa, I ya uwẹ ru abodẹ ne Izrẹl. I gha yan ma iran, u ghi tama iran.

Matiu 10:27

Emwi ne I tama uwa vbe ebiebi, wa gha rrie azagba ya tae ladian, emwi ne uwa họn ẹn vbe ẹkhokho, wa ya wewẹe vbe ẹrhunrhun owa.

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Iyẹn ne ọ Maan Ọghe Jọn 12:50

Mẹ rẹnrẹn wẹ arrọọ etẹbitẹ ọre ẹmwẹ ọnrẹn rhie rre. Rhunmwuda ọnii, ẹmwẹ ne I guan, Erha mwẹ, ọre ọ gie mwẹ ne I kha vberriọ.”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 17:8

Rhunmwuda uhunmwu ne u gie mwẹ re, I tama iran nẹ, iran vbe miẹn rẹn nẹ, iran rẹnrẹn wẹ ọghuẹ mẹ ke gha dee vbe ẹmwata, iran vbe yayi nẹ ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 18:20

Jesu wanniẹn wẹẹ, “Azagba ọre I na ma emwa hia emwi, uwu Ọgua ediọn kevbe ọgua Osa ọre I na sirra avbe Ju ma emwa ni si koko ye evba emwi. I ma he do ta ẹmwẹ ọkpa ẹdẹ.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Iwinna 11:14

Ọ gha gu uẹ guan ẹmwẹ ne uwẹ vbe ẹgbẹe ruẹ gha la miẹn imiẹnfan.’

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.