Iwinna 5:2 - Edo Bible (E Baibol Ẹdo) Version 1996

² Sokpan rẹn keghi fian rhie ye otọ vbe igho ẹre, zẹ vbe ọghe obọ ẹre, aro ọvbokhan rẹn kevbe sẹ ọe, ọ keghi mu ne ọ dekẹe gie avbe ukọ.

Iwinna 5:2 ပူးပေါင်းရင်းမြစ်များ

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Iyẹn ne ọ Maan Ọghe Jọn 12:6

Ọ ta ẹmwẹ na ẹ i re rhunmwuda ighẹ ọ mwẹ ẹnina ivbiogue vbe ekhọe, sokpan rhunmwuda ighẹ oyi nọ, rẹn ọ mu ẹkpo igho mwẹ, ọ ghi gha duẹe hẹ ya ru enegbe ẹre.

Iwinna 2:44

Iran ni yayi hia keghi wa gba gha ru emwi hia kugbe, iran keghi ghae ne egbe vbe emwi ne iran mwẹ.

Iwinna 4:37

na ya khiẹn otọ ẹre, ọ Keghi viọ igho ne ọ miẹn vbọ gha dee, ọ keghi viọ ehia ne avbe ukọ.

Iwinna 5:1

Sokpan, okpia ọkpa kegha rrọọ ne a tie ẹre Ananaias, a keghi vbe tie amwẹ ọnrẹn Safira. Rẹn keghi vbe khiẹn eso vbe emwi ne ọ mwẹ.

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

Iwinna 5:8

Pita keghi khama rẹn wẹẹ, “Tama mwẹ, erriọ ọ sẹe ra ighe igho ne uwẹ vbe ọdafọn khiẹn emwi uwa re?” Rẹn keghi wanniẹn wẹẹ, “Ẹn, erriọ ọ sẹe.”

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.