Iwinna 5:19 - Edo Bible (E Baibol Ẹdo) Version 1996

¹⁹ Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

Iwinna 5:19 ပူးပေါင်းရင်းမြစ်များ

Psalm 146:7

ọ bu ohiẹn ne ọmwa ne a zẹ kpokpo, ọ ghi gha rhie evbare ne ọmwa ne ohanmwẹ gbe. E Nọyaẹnmwa fannọ avbe oleghan kua.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Matiu 1:20

Vbene ọ wa ziro na vbekhọe, odibo ọghe Nọyaẹnmwa keghi rhiegbe ma rẹn vbe imina, ọ na tama rẹn wẹẹ, “Josẹf ne ovbi uniẹn Devid, ghẹ fian afianma ya rhie Meri ne amwẹ ọn la owa rhunmwuda ọmọ ne ọ hanmwa ni, ke obọ Orhiọn Ne Ọ Huanrẹn rre nọ.

Matiu 1:24

Ugbẹn vbe Josẹf ghi rhiọrre, ọ keghi ru zẹ vbene odibo e Nọyaẹnmwa ni tama rẹn, ọ keghi ya rhie Meri la owa zẹ vbe amwẹ ọnrẹn.

Matiu 2:13

Ugbẹn vbe iran ghi kpao vbe evba nẹ, odibo e Nọyaẹnmwa keghi rhiegbe ma e Josẹf vbe imina, ọ tama rẹn wẹẹ, “Kpaegbe, mu ọmọ ni kevbe iye ẹe lẹ gha rrie Igipt, di evba ya I te do tama ruẹn ne ukpa vba. Hẹrọd gha gualọ ọmọ na ne irẹn gbe ẹe rua.”

Matiu 2:19

E Hẹrọd ghi wu nẹ, odibo e Nọyaẹnmwa keghi rhiegbe ma Josẹf vbe imina vbe otọ Igipt.

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Iyẹn ne ọ Maan Ọghe Luk 1:11

Odibo Nọyaẹnmwa ọkpa keghi rhie egbe ma rẹn, ọ mudia ye obọ erha ọmwa ogiukpo ne a na giẹn eturari nii.

Iyẹn ne ọ Maan Ọghe Luk 2:9

Odibosa e Nọyaẹnmwa rhie egbe ma iran, awanwan Nọyaẹnmwa keghi wan lẹga iran, ohan keghi mu iran ẹsẹse.

Iwinna 10:3

Ẹdẹ ọkpa, vbe odẹ ihe ẹgogo eha vbe avan, rẹn keghi miẹn umian ne ọ na wa bẹghe odibo Osanobua ọkpa vbe ọ bu ẹre gha dee do tama rẹn wẹẹ, “Kọniliọs!”

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Iwinna 16:26

Vbe udomwurri, igbohiotọ nọkhua keghi sunu, ọ keghi mu ẹwẹdọ ni rueghe ya sẹ ẹyotọ. Ọwarọkpa nii, urho hia keghi kie ye otọ, eghan keghi kharha kua hin egbe avbe oleghan rre.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)