Iwinna 5:16 - Edo Bible (E Baibol Ẹdo) Version 1996

¹⁶ Emwa kegha vẹ ke ẹvbo ni rre ọkpẹn Jerusalẹm rre, iran viọ emwa iran ni khuọnmwi kevbe ni mwẹ orhiọn esu gha de, a keghi mu ehia egbe rran.

Iwinna 5:16 ပူးပေါင်းရင်းမြစ်များ

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 8:16

Ugbẹn vbe ọ ghi sẹ ota, iran keghi viọ emwa nibun ni mwẹ orhiọn esu bu Jesu rre. Rẹn keghi ya ẹmwẹ unu khulo avbe orhiọn esu ni ladian, ọ keghi sinmwi iran nikhuọnmwi hia.

Iyẹn ne ọ Maan Ọghe Luk 5:17

Ẹdẹ ọkpa, ugbẹn vbe Jesu ghi ma emwa emwi, avbe Farisi kevbe iran ni ma emwa uhi keghi vbe tota ye evba, ẹvbo ne iran ke rre keghi re Galili, Judia kevbe Jerusalẹm. Ẹtin e Nọyaẹnmwa ne a ya sinmwi ọkhọnmwọ keghi gha gue Jesu.

Iyẹn ne ọ Maan Ọghe Luk 6:18

Iran rre do danmwehọ ẹre kevbe ne ọ vbe mu iran egbe rran hin emianmwẹ iran rre, iran ne orhiọn esu zẹ kpokpo kevbe rre, a keghi vbe sinmwi iran.

Iyẹn ne ọ Maan Ọghe Luk 9:11

Emwa ghi vbe họn, iran keghi vbe lele ẹe, ọ keghi rhan obọ miẹn iran, ọ ta ẹmwẹ Arriọba Osanobua ma iran, ọ na vbe sinmwi iran ne egbe ma rran vbọ.

Iyẹn ne ọ Maan Ọghe Jọn 14:12

Ẹmwata ọre I tama uwa, ọmwa ne ọ ya mwẹ yi, Ọ gha winna iwinna ne imẹ winnaẹn. Vbe ẹmwata ogha winna iwinna ni sẹ enena, rhunmwuda mẹ rrie ehe ne Evbavba ye.

Iwinna 4:30

Nien obọ ruẹ ladian ne u ya ẹe mu emwa egbe rran, vbe rhie ne ima ne a gha ye eni Jesu, Ọguọmwadia ruẹ ne ọ huanrẹn winna iwinna ama kevbe ọyunnuan.”

Iwinna 5:15

Otiti emwi ne avbe ukọ ru keghi sẹrriọ wẹ, te emwa ghi viọ avbe ọkhọnmwọ ladian, iran ghi viọ iran lovbiẹ ye ukpo ra ewa vbe odẹ wẹ, a deghẹ pita ghi gberra, ne aghọnghọn rẹn de kan eso vbe uwu iran.

Iwinna 5:17

Ẹghẹ ni ọre ogie ohẹn kevbe ivbi otu ẹre, deba otu emotọ ọghe avbe Sadusi, na wa kakabọ gha gbe ọvo avbe ukọ, iran na ghi wẹ, iran gha gualọ odẹ ne iran gha la iran re.

I Kọrinti 12:9

Orhiọn ọkpa nii ọre ọ ya amuẹntinyan we emwa eso, vbene ọ na vbe ya ẹtin ne a ya mu ọmwa egbe rran we ọmwa ọvbehe.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.