Iwinna 5:14 - Edo Bible (E Baibol Ẹdo) Version 1996

¹⁴ Sokpan, emwa ni bun ni ya Nọyaẹnmwa yi, ke ikpia kevbe ikhuo, kegha ya egbe ba iran.

Iwinna 5:14 ပူးပေါင်းရင်းမြစ်များ

II Samuẹl 6:19

Ọ keghi mu ebrẹd ọkpọkpa ne dọmwadẹ ikpia kevbe ikhuo ni rre Izrẹl kevbe emiowo ne aranmwẹn deba ọmọ erhan eso ne a re. Ẹre dọmwadẹ ọghọe na gha rrie owa.

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Nehimaia 8:2

Ẹre Ẹzra ghi na mu nene ebe gha die ehe ne iran hia si egbe koko yi ikpia, ikhuo kevbe ibiẹka ni gha wan sẹ nẹ ne ọ gha na rẹn emwi ne a guan yan.

Ẹksọdọs 35:22

Ikpia kevbe ikhuo kevbe dọmwadẹ emwa ni ho keghi viọ ukotin ne a ya te emwi egbe rre, emwiehọ, oroka, emwiurhu, kevbe ikpẹrọnmwọ igoru ne iran ya fi ohan, zẹ vbe emwi izọhẹ gie Nọyaẹnmwa.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 22:4

I kegha lọghọ iran, I na gha gbele iran ighẹ avbe emwa ni lele odẹ na. I na gha munọ ikpia kevbe ikhuo hẹ ku ẹwẹdọ.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 8:12

Sokpan iran ghi ya ikporhu e Filip yi, ikporhu ọghe Iyẹn Ne ọ maa ọghe Arriọba Osanobua kevbe eni Jesu Kristi, a kegha sa amẹ ne iran, ke ikpia kevbe ikhuo.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Iwinna 9:35

Emwa hia ni rre Lida kevbe Siarọn ghi miẹn ọẹn, iran keghi do ya Nọyaẹnmwa yi.

Iwinna 9:42

Emwi na keghi wa gbigbi la Jopa hia, emwa ni bun keghi ya Nọyaẹnmwa yi.

II Kọrinti 6:15

Vbe Kristi kevbe Setan khian gba gu egbe gha rọ hẹ yi? De emwi ne nọyayi kevbe nọma yayi na re ọkpa yi.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.