Iwinna 5:13 - Edo Bible (E Baibol Ẹdo) Version 1996

¹³ Vbene emwa hia ta ẹmwẹ iran ne ọ maa sẹ, a ma miẹn orhiọnkpa ne ẹ i rre otu ni, ne ohan gie ẹe ye egbe ba iran.

Iwinna 5:13 ပူးပေါင်းရင်းမြစ်များ

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Iyẹn ne ọ Maan Ọghe Luk 19:48

Sokpan iran ma rẹn vbene iran gha ruẹe hẹẹ rhunmwuda emwa hia kegha wa danmwehọ ẹre vbene iran i na ho ne ẹmwẹ ọnrẹn ọkpa kẹkan la iran iyeke ehọ de fua.

Iyẹn ne ọ Maan Ọghe Jọn 12:42

Ọ rhe ye vberriọ, eso vbe uwu avbe olotu avbe Ju ye ya Jesu yi, sokpan rhunmwuda avbe Farisi, ohan ma gie iran tae vbe azagba, ne a ghẹ ya khulo iran hin uwu ọgua ediọn re.

Iyẹn ne ọ Maan Ọghe Jọn 19:38

Vbe iyeke emwi na, Josẹf ne ovbi ẹvbo ne a tie ẹre Arimatia keghi ya nọ Pailet deghẹ ọ gha gie irẹn mu ikun Jesu (Josẹf na, ọrhuanegbe Jesu vbe nọ, sokpan ọ ma rhie egbe ladian rhunmwuda ohan avbe Ju muẹn.) Pailet keghi kue ne ọ ya mu, rhunmwuda ọnii, Josẹf keghi ya muẹn kpao.

Iyẹn ne ọ Maan Ọghe Jọn 9:22

Avbe evbibiẹ ọe kha vberriọ rhunmwuda ighe ohan avbe Ju mu iran, rhunmwuda avbe Ju wa tae nẹ wẹẹ deghẹ ọmwaikọmwa tae ladian ighe Jesu ọrọre nene Mẹzaia, iran gha khu ẹe hin Ọgua ediọn rre.

Iwinna 19:17

Ugbẹn vbe avbe Ju kevbe iran ne ẹ i re Ju ni rre Ẹfisọs họn ẹmwẹ na, ohan keghi mu iran ẹsẹse. Eni Nọyaẹnmwa Jesu keghi khian ne a ye ọghẹ na ẹsẹse sẹ ayọ.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 5:26

Olotu iran ni khẹ odẹ keghi viọ emwa rẹn ba egbe, ọ keghi ya viọ avbe ukọ werriegbe rre. Sokpan iran ma ghi zaro mu iran, rhunmwuda ohan emwa mu iran ne iran ghẹ ya filo okuta gbele iran an.

Iwinna 5:5

Ananaias ghi wa họn ẹmwẹ na, ọ degbe otọ, ọ keghi wu. Ikponi keghi rhọ ku emwa hia ni họn ẹmwẹ na.

II Kọrinti 10:15

Rhunmwuda ọnii, ma i ye iwinna ne emwa ọvbehe winnaẹn gberra okhuo ne Osanobua fian ne ima rhuọ, sokpan idaehọ mwa nọ wẹ ne iyayi uwa gha wan yọ, ne ima sẹtin miotọ na winna iwinna ni sẹ enena vbe uwu ẹbu uwa, vbe uwu ehe ne Osanobua mwa rẹn ne ima sẹ.