Iwinna 4:8 - Edo Bible (E Baibol Ẹdo) Version 1996

⁸ Pita keghi vuọn ne Orhiọn Ne Ọ Huanrẹn, ọ wanniẹn iran ẹmwẹ wẹẹ, “Wa ne olotu emwa kevbe uwa ne ediọn.

Iwinna 4:8 ပူးပေါင်းရင်းမြစ်များ

Iyẹn ne ọ Maan Ọghe Luk 1:41

Ugbẹn vbe Elizabẹt ghi wa họn urhu otuẹ e Meri, akpa ne ọ rre ẹre ẹko na guakpao. Elizabẹt keghi vuọn ne orhiọn Ne ọ huanrẹn.

Iyẹn ne ọ Maan Ọghe Luk 23:13

Pailet keghi tie avbe igie ohẹn, avbe olotu kevbe avbe emwa ni si koko.

Iwinna 13:9

Ẹghẹ nii ọre Sọl, ne avbe tie eni ẹnrẹn Pọl, na vuọn ne Orhiọn Ne Ọ Huanrẹn, ọ keghi ghe ọbo edunna na sun uun,

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Iwinna 4:5

Ẹde ghi gbe, olotu avbe Ju, avbe ediọn, kevbe iran ni ma emwa Uhi, keghi si egbe koko vbe Jerusalẹm.

Iwinna 4:7

Iran viọ avbe ukọ ni mudia ye odaro iran, iran keghi nọ iran wẹẹ, “Vbe uwa ya ru emwi na hẹ? De ẹtin ne uwa mwẹ? de eni ọmwa ne uwa ya ruẹe?”

Iwinna 7:55

Sokpan Stivin keghi vuọn ne Orhiọn Ne Ọ Huanrẹn, ọ keghi tọn aro mu ghe odukhunmwu, ọ keghi bẹghe uyi Osanobua, kevbe Jesu, vbe ọ mudia ye obọ erha ọmwa Osanobua.