Iwinna 4:7 - Edo Bible (E Baibol Ẹdo) Version 1996

⁷ Iran viọ avbe ukọ ni mudia ye odaro iran, iran keghi nọ iran wẹẹ, “Vbe uwa ya ru emwi na hẹ? De ẹtin ne uwa mwẹ? de eni ọmwa ne uwa ya ruẹe?”

Iwinna 4:7 ပူးပေါင်းရင်းမြစ်များ

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Iyẹn ne ọ Maan Ọghe Mak 11:28

“De asẹ ne u mwẹ ne u ya ru avbe emwi na? Gha ọ rhie asẹ na nuẹn?”

Iyẹn ne ọ Maan Ọghe Jọn 2:18

Avbe Ju keghi bu ẹre gha dee, iran nọ rẹn wẹẹ, “De iwinna ọyunnuan ne u gha sẹtin winna ya rhie ma ima ighe u mwẹ asẹ ne a ya ru emwi na?”

Iyẹn ne ọ Maan Ọghe Jọn 8:3

Iran ni ma emwa Uhi kevbe avbe Farisi keghi mu okhuo ọkpa ne a mu vbe oghẹ rre, iran keghi rhie ẹre mudia ye odaro iran hia.

Iyẹn ne ọ Maan Ọghe Jọn 8:9

Ugbẹn vbe iran ghi họn ẹmwẹ na, iran kegha ye ọkpọkpa rrie, ke egbe avbe eniwanrẹn kpao. Iran keghi sẹ Jesu ọkpa vbe okhuo ni rae ye ehe ne ọ mudia yi.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 4:6

Iran keghi ya vba Anas ne ogie ohẹn kevbe Kaiafas, Jọn kevbe Alẹkzanda deba emwa eso vbe ẹgbẹe ogie ohẹn.

Iwinna 4:8

Pita keghi vuọn ne Orhiọn Ne Ọ Huanrẹn, ọ wanniẹn iran ẹmwẹ wẹẹ, “Wa ne olotu emwa kevbe uwa ne ediọn.

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.