Iwinna 4:5 - Edo Bible (E Baibol Ẹdo) Version 1996

⁵ Ẹde ghi gbe, olotu avbe Ju, avbe ediọn, kevbe iran ni ma emwa Uhi, keghi si egbe koko vbe Jerusalẹm.

Iwinna 4:5 ပူးပေါင်းရင်းမြစ်များ

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Iyẹn ne ọ Maan Ọghe Mak 15:1

Vbe owiẹ vbirrivbirri avbe igie ohẹn kevbe avbe ediọn keghi ya gu iran ni ma emwa Uhi kevbe avbe eghaẹvbo do iko ẹgiẹgiẹ, ne iran mwamwa emwi ne iran gha ru. Iran keghi rro eghan ye Jesu obọ, iran na si ẹe bu Pailet.

Iyẹn ne ọ Maan Ọghe Luk 20:1

Ẹdẹ ọkpa, Jesu kegha rre uwu Ọgua Osa, ọ na gha ma emwa emwi, ọ kegha kpe orhu Arriọba Osanobua, iran ne igie ohẹn, iran ni ma emwa Uhi kevbe avbe ediọn keghi bu ẹre gha dee.

Iyẹn ne ọ Maan Ọghe Luk 22:66

Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba.

Iyẹn ne ọ Maan Ọghe Luk 23:13

Pailet keghi tie avbe igie ohẹn, avbe olotu kevbe avbe emwa ni si koko.

Iyẹn ne ọ Maan Ọghe Luk 24:20

Avbe igie ohẹn ima kevbe iran ni khaemwisẹ keghi rhie ẹre ladian ne a bu ohiẹn uwu gbe ẹe, iran keghi kan rẹn mu ugbugbe.

Iwinna 4:8

Pita keghi vuọn ne Orhiọn Ne Ọ Huanrẹn, ọ wanniẹn iran ẹmwẹ wẹẹ, “Wa ne olotu emwa kevbe uwa ne ediọn.

Iwinna 5:34

Sokpan, ọkpa vbe uwu iran, e Farisi ne a tie eni ẹnrẹn Gamaliẹl, ọmwa ne ọma emwa uhi, ne emwa hia wa ya ọghọ na keghi guakpao vbe Iko ni, ọ na wẹ ne iran viọ avbe ukọ ghe ore.

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.