Iwinna 4:34 - Edo Bible (E Baibol Ẹdo) Version 1996

³⁴ A ma vbe miẹn arhiọnkpa ne ọ rre ivbabọ vbe uwu iran. Iran ni mwẹ owa kevbe ni mwẹ ugbo keghi ya gha viọ khiẹn.

Iwinna 4:34 ပူးပေါင်းရင်းမြစ်များ

Matiu 19:21

Jesu tama rẹn wẹẹ, “U gha ho ne ọ gba nuẹn fo, ya khiẹnnẹ emwi hia ne u mwẹ, viọ igho ẹre ne avbe ivbiogue, u gha mwẹ ẹfe vbe ẹrinmwi, bu mwẹ gha dee ne u do gha lele mwẹ khian.”

Iyẹn ne ọ Maan Ọghe Mak 10:21

Jesu keghi ghe ẹre, ọ ho ẹmwẹ ọnrẹn, ọ keghi tama rẹn wẹẹ, “Emwi ọkpa ọ ghi kẹ ruẹ yi, ya khiẹn emwi ne umwẹ hia, ghae igho ẹre ne avbe ivbiogue, ne u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 16:9

Jesu keghi rhie te ẹe wẹẹ, “Ne I tama uwa nian, wa ye ẹfe agbọn na ne uwa mwẹ zẹ ọse ne egbe uwa, a i rẹn vbe ọ gha ghi hiẹ uwa, ne a miẹn ehe na miẹn uwa ye owa etẹbitẹ.

Iyẹn ne ọ Maan Ọghe Luk 22:35

Ẹghẹ nii ọre Jesu na tama iran wẹẹ, “Ẹghẹ ne I na gie uwa ladian, ne I na wẹ ne uwa ghẹ rhie ẹsiso ra ẹkpo ra ibata, emwi rhọkpa vbe uwa ra?” Iran wanniẹn wẹẹ, “Ẹn o.”

Iwinna 2:45

Iran ghẹ ghi khiẹn emwi ewe iran, kevbe emwi ne iran mwẹ, iran hia ghi gba gha igho ẹre zẹ vbene edọmwadẹ ọghọe i te ya mwẹ.

Iwinna 4:37

na ya khiẹn otọ ẹre, ọ Keghi viọ igho ne ọ miẹn vbọ gha dee, ọ keghi viọ ehia ne avbe ukọ.

II Kọrinti 8:14

Sokpan ugbẹn vbe a miẹn wẹ, wa mobọ mwẹ emwi ẹghẹ na, te ọ kere ne uwa ye iran ne ẹ i mwẹ obọ. Ẹghẹ nii, a deghẹ a ghi miẹn ighẹ wa i mwẹ, iran na wa vbe gha mwẹ, te iran ghẹ ghi ye uwa obọ. Ẹghẹ nii omwa ọkpa ọre a ghi ya mwa ne egbe.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

I Tẹsalonaika 4:12

Wa gha ru vberriọ, iran ni ma yayi ghi gha ghe uwa gẹdẹgbẹẹ, wa i ghi ra vbe ghe ọmwa rhọkpa obọ.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.