Iwinna 4:29 - Edo Bible (E Baibol Ẹdo) Version 1996

²⁹ Wanwan na nian Nọyaẹnmwa, ghe vbene iran yan hẹẹ, rhie ẹtin ne ima ne eguọmwadia ruẹ, ne ima sẹtin gha kpe orhu ẹmwẹ ruẹn vbe ne a i na fian afianma.

Iwinna 4:29 ပူးပေါင်းရင်းမြစ်များ

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Eve Orriara 3:50

e Nọyaẹnmwa te do gbearoghe otọ ke ẹrinmwi rre ne ọ bẹghe mwa.

Eve Orriara 5:1

E Nọyaẹnmwa, ye emwi ne ọ he rruan mwa rre. Tọn aro mu ghe ima, ne u ghe vbene a fa ima an hẹ.

Ezikiẹl 2:6

“Sokpan wẹ ovbi ọmwa, ghẹ gie ohan iran mu ẹẹn, ra ẹmwẹ ne iran ta. Iran gha yagha a; iran ghi fa ruẹ ua, te ọ ra yevbe ne ọmwa rre uwu ẹbu ekpakpahuangan. Sevba, ghẹ gie ohan avbe etẹ nii mu ẹẹn ra emwi ne iran a rhirhi ta.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Maika 3:8

Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 14:3

Avbe ukọ kpẹre ẹsẹse vbe evba, iran kegha ta ẹmwẹ Nọyaẹnmwa vbe ne a na fian afianma, Nọyaẹnmwa keghi vbe rhie maa wẹ ẹmwata ọre orhu ẹsọhẹ ọghe ẹe ne iran kpe khin vbe ekpa ne ọ na rhie ẹtin ne iran ya gha winna iwinna ama kevbe ọyunnuan.

Iwinna 19:8

Pọl keghi la Ọgua ediọn, ọ keghi ya uki eha mobọ gu avbe emwa ni guan, ọ keghi gu iran gha muan ẹmwẹ, ọ kegha ho ne ọ fi iran ekhọe werriẹ ghe ẹmwẹ Arriọba Osanobua.

Iwinna 26:26

Agripa ne ọba, emwi ne ọ ya mwẹ gu uẹ guan saisai na ọrọre rhunmwuda ighẹ u rẹn otọ emwa na hia, mẹ yayi ighẹ aro ruẹ da emwi na hia ọkpọkpa rhunmwuda ọkpa ne a do ru ẹ i rre avbe emwi na hia.

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Iwinna 9:27

Ẹghẹ nii ọre Banabas na rre ọ keghi rhie ẹre bu avbe ukọ ọ keghi rhan otọ vbene Sọl miẹn Nọyaẹnmwa hẹ vbe odẹ kevbe wẹ Nọyaẹnmwa gu ẹe guan. Ọ keghi vbe tama iran vbe ne Sọl wa gha kpe orhu eni Jesu hẹ vbe Damaskọs vbe ne a i na fian afianma.

Iwinna 9:28

Sọl keghi gu iran tota, ọ na gha kpe orhu Nọyaẹnmwa lele Jerusalẹm hia vbe ne a i na fian afianma.

I Kọrinti 14:13

Rhunmwuda ọnii, ọmwa ne ọ ya urhu ne a ma rẹn guan, wẹ ne ọ sẹtin gha zẹ edu ẹmwẹ ne ọ guan.

II Kọrinti 3:12

Rhunmwuda ighẹ ma mwẹ idanmwehọ na, ma keghi din ẹsẹse.

Filipai 1:14

Ne I na rre eghan na, keghi vbe rhie udinmwẹ ne etẹn ne ikpia ni bun vbe uwu Kristi, sẹrriọ wẹ edẹgbedẹgbe ọre iran ghi ya din yọ vbe ne iran na kpe orhu ẹmwẹ ni vbe ne a i na fian afianma.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.