Iwinna 4:20 - Edo Bible (E Baibol Ẹdo) Version 1996

²⁰ Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”

Iwinna 4:20 ပူးပေါင်းရင်းမြစ်များ

II Samuẹl 23:2

Orhiọn e Nọyaẹnmwa guan la unu mwẹ rre, uhunmwu ne ọ gie rre akhuarhamwunu mwẹ.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Jerimaia 20:9

Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Ezikiẹl 3:11

Iyekọnii, u ghi bu ivbi ẹvbo ruẹ ni rre iwe ne u ya tama iran ẹmwẹ ne imẹ ne Osa ne Udazi tama iran, ọ gha khọn iran, iran zẹ ye uẹ re ra iran ma zẹ yọ.”

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Maika 3:8

Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 23:20

Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Iyẹn ne ọ Maan Ọghe Luk 1:2

Emwi ne iran ne aro ẹre sẹ avbe emwi na vbe omuhẹn, gha kpe orhu ẹre khian, ne iran vbe tama ima, ọre iran gbẹnnẹ ye otọ.

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 2:32

“Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 22:15

Rhunmwuda osẹe oghẹ ẹe ọre u khian gha khin ne u ya tama emwa hia emwi ne u miẹn kevbe ne u họẹn.

Iwinna 3:15

Erriọ ọre uwa ya gbe ẹe rua ighe Ayi ne ọ yi arrọọ. Sokpan Osanobua huẹn ọnrẹn kpaegbe vbe idin, ma ọrọre osẹe ne aro ẹre sẹ emwi na.

Iwinna 5:32

Ma ọrọre osẹe emwi na hia, ma kevbe Orhiọn Ne Ọ Huanrẹn ne Osanobua ya ru emwa hia ni họn ẹmwẹ ọnrẹn ẹse.”