Iwinna 4:19 - Edo Bible (E Baibol Ẹdo) Version 1996

¹⁹ Sokpan Pita kevbe Jọn zẹ wanniẹn iran wẹ, “Wa tobọ uwa ta ne ọ maa sẹ vbọ vbe odaro Osanobua, ne a ru ne uwa khare ra ne a ru ne Osanobua khare?

Iwinna 4:19 ပူးပေါင်းရင်းမြစ်များ

I Ọba 12:30

Erriọ ọre emwa ni na ru orukhọ vbekpa ne iran na ya gha ga vbe Bẹtẹl kevbe Dan.

I Ọba 13:19

Ẹre akhasẹ ne ọ ke Juda rre nii na lele akhasẹ ne ediọnmwa nii gha rrie, ọ na ya gu ẹe rrie evbare.

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

I Ọba 21:11

Emwa iwinna kevbe ekamakodin e Jezibẹl keghi ru vbene Jezibẹl khare.

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

II Ọba 16:15

Ọ keghi tama Uraia wẹẹ, “Ogiukpo nọkhua ne ọghomwẹ na ọ re u gha na gha giẹn ese owiẹ kevbe ọta ne ọba, kevbe avbe emwa ni ya zọ ese, kevbe ayọn ne emwa na ya yo imuohan. U ghi hihiẹ esagiẹn aranmwẹ ne a ya zọ ese hia yan rẹn. Sokpan, u ghi sẹ Ogiukpo oze ne ọ rrọ rae mẹ ne I na gha bọ ye emwi.”

II Ọba 16:16

Uraia keghi ru vbene ọba khare.

Psalm 58:1

Wa gele zẹdia bu ohiẹn ẹmwata ra wa ni rre asẹ? Wa ye abọkpa bu ohiẹn emwa hia ra?

Ẹksọdọs 1:17

Sokpan iran ni mu ikhuo emwi ubiẹmwẹ ni keghi mu ohan Osanobua, iran ma ru vbene ọba khare sokpan iran kegha sẹ avbe emọ ikpia rae.

Jerimaia 26:12

Ẹre imẹ na kha wẹẹ, “E Nọyaẹnmwa ọ re ọ gie mwẹ wẹ ne I talọ avbe ẹmwẹ ne uwa họẹn vbe unu mwẹ vbekpa Ọgua Osa na kevbe ẹvbo na.

Daniẹl 3:18

Sokpan, a deghẹ ọ ma ghi vbe ru vberriọ, u ghi rẹn nian Umogun wẹ ma i ra gho ẹbọ ruẹ, ma i ra vbe ya uhunmwu rhanmwẹ otọ ne amazẹ igoru ne u maẹn.”

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Hozia 5:11

Iran wa wọ Izrẹl uhunmwu, otọe ne ọ te re ọghe obọ ẹre, erhọkpa i ghi gue ẹe rhunmwuda, ọ keghi wa muẹn yan uhunmwu wẹ obọ emwa ne ẹ i sẹtin ru iyobọ, ọre irẹn gha na ya gha nọ iyobọ.

Emọs 7:16

“Rhunmwuda ọnii nian, danmwehọ vbene Nọyaẹnmwa kha hẹ. U wẹ ne I dobọ ẹmwẹ akhasẹ ne I ta yi, ne I ghẹghi talọ ku ivbi Izrẹl.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Matiu 22:21

Iran wanniẹn tama rẹn wẹẹ, “Ọ ghe Nọgbaisi nọ” Jesu wanniẹn tama iran wẹẹ, “A deghẹ erriọ nọ, wa rhie ne ọre ọghe Nọgbaisi ne ẹn ne uwa vbe rhie ne ọ re ọghe Osanobua ne Osanobua.”

Iyẹn ne ọ Maan Ọghe Luk 22:8

Jesu keghi tie Pita vbe Jọn, ọ keghi gie iran uhunmwu wẹẹ, “Wa ya le evbare Alagberra ne ima gha re ye otọ khẹ ima.”

Iyẹn ne ọ Maan Ọghe Jọn 7:24

Wa ghẹ gha lele erriọ I họn bu ohiẹn, wa gha lele odẹ ẹmwata bu ohiẹn.”

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 5:29

Pita kevbe avbe ukọ nekpa wanniẹn wẹẹ, “Ne Osa khare ọre ima ra ya ru emwi ighẹ ẹ i re ne emwi ne agbọn khare.

I Kọrinti 10:15

Te I gu uwa guan na zẹ vbe umẹwaẹn, wa tobọ uwa ya ekhọe gua sẹ emwi ne I kha.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Ẹfisọs 6:1

Wa ne emọ, iwinna uwa nọ, zẹ vbe ivbi iyayi Kristi, ne uwa gha họn ẹmwẹ ne evbibiẹ uwa, rhunmwuda, ọna ọre emwi ne ọ kere ne uwa ru.

I Timoti 2:3

Ọna maa, ọwa vbe yẹ Osanobua ne Ọmiọnmwafan mwa.

Hibru 11:23

Iyayi ọre ọ ya evbibiẹ Mosis rhie ẹre lẹre la uki eha, iyeke vbe a biẹ ọe nẹ. Iran miẹn wẹ, ọmọ ne ọ mose nọ, rhunmwuda ọnii, afianma ma fian iran vbe iran rra uhi ọba.

Jems 2:4

Ẹghẹ nii, ẹ i re te uwa ghi zẹ egbe ẹkpe, wa keghi vbe lele iro dan gha bu ohiẹn.