Iwinna 4:16 - Edo Bible (E Baibol Ẹdo) Version 1996

¹⁶ Iran nọ egbe iran wẹẹ, “Vbe a ra ru emwi na hẹ yi? Emwa ni rre Jerusalẹm hia rẹnrẹn ighẹ iran ọre ọ winna iwinna ọyunnuan na, ẹ i gia muan hiehie.

Iwinna 4:16 ပူးပေါင်းရင်းမြစ်များ

Daniẹl 8:5

Ehe ne I na roro ẹe nii wẹ vbe a ya ọna kha, ẹwe ọkpa keghi mu ulẹ ke odẹ orrie rre, okhian kẹ ọre sẹrriọ wẹ owẹ ọ re i rhanmwẹ otọ. Igho ọkpa gbagbaagba keghi zọ ye ẹkpo aro ẹre.

Daniẹl 8:8

Ẹwe nii keghi vbe do kakabọ gha hio yọ, sokpan ọ ghi wa sẹ ẹghẹ ne ẹtin ẹnrẹn na kpọlọ sẹẹ, a keghi kpan ẹre igho fua. I gho enẹ ọvbehe keghi zọ ladian ye ihe ẹre, ọkpọkpa keghi nien ukpẹ da ehe ọvbehe.

Matiu 20:7

Iran wanniẹn tama rẹn wẹẹ, ‘Ma ma miẹn ọmwa ne ọ viọ ima ye iwinna.’ Ọ khama iran wẹẹ, ‘Wa vbe gha rrie ugbo mwẹ khekherriọ.’

Matiu 27:16

Vbe ẹghẹ nii oghunmwu ọkpa ne emwa hia rẹnrẹn keghi rrọọ, a kegha tie eni ẹnrẹn Jesu Barabbas.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Jọn 12:18

Ọnii ọre ọ si ẹe ne emwa ni bun na khian bu ẹre sẹ odẹ, rhunmwuda ighẹ iran họn iwinna nọkhua na ne ọ winnaẹn.

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.