Iwinna 4:14 - Edo Bible (E Baibol Ẹdo) Version 1996

¹⁴ Iran ma miẹn ẹmwẹ ọkpa ta, rhunmwuda ọmwa ne a mu ẹre egbe rran nii, mudia ke Pita kevbe Jọn vbe evba.

Iwinna 4:14 ပူးပေါင်းရင်းမြစ်များ

Iwinna 19:36

Ọmwa ne ọ gha sẹtin muan emwi na ẹ i rrọọ, rhunmwuda ọnii nian, wa fu ekhọe rre ne uwa ghẹ ya ibalegbe ru emwikemwi.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 4:15

Rhunmwuda ọnii, iran na wẹ ne iran ladian vbe owa ne a na bu ohiẹn. Iran keghi suẹn gha gu egbe iran zẹ iro.

Iwinna 4:16

Iran nọ egbe iran wẹẹ, “Vbe a ra ru emwi na hẹ yi? Emwa ni rre Jerusalẹm hia rẹnrẹn ighẹ iran ọre ọ winna iwinna ọyunnuan na, ẹ i gia muan hiehie.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.