Iwinna 3:8 - Edo Bible (E Baibol Ẹdo) Version 1996

⁸ Rẹn keghi san ghe ukhunmwu, ọ ya owẹ ọre mudia, ọ kegha khian yo khian rre. Ọ na lele iran la uwu Ọgua Osa, ọ kegha khian, ọ na gha san yo san rre, ọ na gha rho Osanobua vbe uyi.

Iwinna 3:8 ပူးပေါင်းရင်းမြစ်များ

Aizaia 35:6

Arọ gha san ghe odukhunmwu, ọ ghi gha kuu. Iran ni i sẹtin guan gha davan ne oghọghọ. Amẹ ẹzẹ ne ọ lẹ, gha lẹ la adesẹ ato.

Iyẹn ne ọ Maan Ọghe Luk 18:43

Vbe ọwarọkpa nii, ọ kegha dẹghe, ọ keghi lele Jesu, ọ na gha rho Osanobua vbe uyi.

Iyẹn ne ọ Maan Ọghe Luk 6:23

Ọ gha ye rriọ, wa gha ghọghọ, wa gha kuu ne uwa gha ghọghọ, rhunmwuda, ere nọkhua rre otọ khẹ uwa vbe ẹrinmwi rhunmwuda erriọ zẹẹ avbe erha iran ru avbe akhasẹ.

Iyẹn ne ọ Maan Ọghe Jọn 5:14

Ọ ghi kpẹe kherhe, Jesu miẹn ọẹn vbe uwu Ọgua Osa, ọ keghi tama rẹn wẹẹ, “Vbe ne egbe na rran ruẹ nẹ nian, u ghi zobọ vbe emwi dan ne u ru, ne emwi ne ọ khọrhiọn sẹ ọna ghẹ dekun ruẹn.”

Iwinna 14:10

Ọ davan wẹẹ, “Kpaegbe ye owẹ ruẹ mudia!” Okpia ni keghi san kpaegbe, ọ na gha khian yo khian re.

Iwinna 19:16

Ọmwa ne ọ mwẹ orhiọn dan ni keghi dekun iran, ọ na gbele iran, iran keghi ye ugbugbe ladian vbe owa ẹre vbene ọ na ya iran ama, yanghan ukpọn ye iran ẹkun.

Iwinna 3:7

Rẹn keghi rhie ẹre obọ erha ọmwa, ọ keghi si ẹe kpaegbe, vbe ọwarọkpa nii, owẹ ọre kevbe akhuẹn egbe ẹre hia keghi de ziẹn.