Iwinna 3:6 - Edo Bible (E Baibol Ẹdo) Version 1996

⁶ Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 3:6 ပူးပေါင်းရင်းမြစ်များ

Matiu 10:9

Wa ghẹ viọ igoru, igho ẹrọnmwọ ra oze ye ẹkpo.

Matiu 7:22

Ogha sẹ ẹdẹ ne a kha na, emwa nibun gha khama mwẹ wẹẹ, ‘Nọyaẹnmwa, Nọyaẹnmwa, ma ya eni ruẹn kporhu Osanobua. Ma khulo orhiọn dan nibun ladian. Ma winna iwinna ọyunnuan nibun vbe eni ruẹn.’

Iyẹn ne ọ Maan Ọghe Mak 14:8

Ọ ru emwi ne ọ gha sẹtin ru nẹ, ọ tue ori ne ọ winhin na yan mwẹ egbe ne ọ ya dọlọ ẹe ye otọ khẹ ẹghẹ irorinmwi.

Iyẹn ne ọ Maan Ọghe Mak 16:17

A gha rhie ama ẹtin na ne avbe emwa ni yayi. Iran gha ya eni mwẹ khulo avbe esu ladian. Iran gha zẹ ẹvbo ne iran ma rẹn.

Iyẹn ne ọ Maan Ọghe Jọn 19:19

Pailet keghi gbẹn emwi mu ne iran mu yan ugbugbe, Emwi ne ọ gbẹn ọrọre: “Jesu ne ovbi e Nazarẹt ọba avbe Ju.”

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 16:18

Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Iwinna 2:36

“Rhunmwuda ọnii, wa ne ivbi Izrẹl, wa hia rẹn nian wẹẹ, Jesu nii ne uwa kan mu ugbugbe, Osanobua ya ẹe khian Nọyaẹnmwa kevbe Mẹzaia nẹ.”

Iwinna 3:16

Ẹtin eni ẹnrẹn, ọre ọ rhie iwo vbe egbe ne okpia nọ te re uke na. Emwi ne uwa miẹn kevbe ne uwa rẹnrẹn na, iyayi eni ẹnrẹn ọre a ya ruẹe, iyayi eni Jesu ọre ọ sirra uwa hia mu ọmwa na egbe rran vbe nian.

Iwinna 3:5

Rẹn keghi gele gha ghe iran, ọ te ro ighe te iran ra rhie emwi ne irẹn.

Iwinna 3:7

Rẹn keghi rhie ẹre obọ erha ọmwa, ọ keghi si ẹe kpaegbe, vbe ọwarọkpa nii, owẹ ọre kevbe akhuẹn egbe ẹre hia keghi de ziẹn.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 4:7

Iran viọ avbe ukọ ni mudia ye odaro iran, iran keghi nọ iran wẹẹ, “Vbe uwa ya ru emwi na hẹ? De ẹtin ne uwa mwẹ? de eni ọmwa ne uwa ya ruẹe?”

Iwinna 9:34

Pita keghi khama rẹn wẹẹ, “Aeneas, Jesu Kristi muẹn egbe rran. Kpaegbe ne u dọlọ ukpo ruẹ yi.” Ọwarọkpa nii, Aeneas keghi guakpao.

I Kọrinti 4:11

Do sẹ wanwanna, ma ya ohanmwẹ kevbe ohanmwẹ amẹ gbe egbe, ma silo osọnmwẹ ukpọn ye egbe, a gba ima, ma zozo la ehe hia.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 4:10

Dọmwadẹ ọghọe zẹ vbe ọmwa ne ọ ya obọ mu avbe emwi ughughan ne Osanobua ya wẹ ẹse, ọ kere ne ọ gha lo avbe emwi nii, ne ọ maa sẹ emwa ọvbehe egbe.