Iwinna 3:4 - Edo Bible (E Baibol Ẹdo) Version 1996

⁴ Iran keghi ziẹn aro ye ọre egbe, Pita keghi tama rẹn wẹẹ, “Gha ghe ima.”

Iwinna 3:4 ပူးပေါင်းရင်းမြစ်များ

Iyẹn ne ọ Maan Ọghe Luk 4:20

Jesu keghi kie iki ebe ni, ọ keghi mu ne ọkpọmwa ọkpa, rẹn keghi ya tota. Emwa hia ni rre Ọgua ediọn na wa tọn aro ye ọre egbe.

Iyẹn ne ọ Maan Ọghe Jọn 11:40

Jesu tama rẹn wẹẹ, “Mẹ ma tama ruẹn nẹ wẹẹ u gha miẹn uyi Osanobua adeghẹ u yayi.”

Iyẹn ne ọ Maan Ọghe Jọn 5:6

Jesu keghi bẹghe ẹre vbe ọ lovbiẹ, rẹn keghi wa rẹn wẹẹ ọkpẹre ne ọ kegha khuọnmwi, rhunmwuda ọnii, rẹn tama rẹn wẹẹ, “U ho ne egbe rran ruẹn ra?”

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 11:6

I ghi ziẹn aro ye uwu ẹre I keghi miẹn aranmwẹ ni mwẹ owẹ enẹ, ba aranmwẹ oha kevbe aranmwẹ ni họ ekẹn kevbe ahianmwẹ ni rre oha.

Iwinna 3:1

Ẹdẹ Ọkpa, Pita kevbe Jọn keghi gba gha rrie Ọgua Osa vbe ihe ẹgogo eha vbe avan, ne iran ya na erhunmwu.

Iwinna 3:11

Ehe ne ọ na da Pita kevbe Jọn obọ yi nii, unu keghi yan emwa hia, iran kegha rhulẹ bu iran rre vbe ehe ne iran tie ẹre “Ugha Solomọn.”

Iwinna 3:12

Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Iwinna 3:3

Ugbẹn vbe ọ ghi bẹghe Pita kevbe Jọn vbe iran khian la owa, ọ keghi vbe nọ iran emwi.

Iwinna 3:5

Rẹn keghi gele gha ghe iran, ọ te ro ighe te iran ra rhie emwi ne irẹn.