Iwinna 3:20 - Edo Bible (E Baibol Ẹdo) Version 1996

²⁰ Vberriọ ọre ẹghẹ iwo vbe egbe orhiọn, gha na ke ehe ne Nọyaẹnmwẹ ye gha dee, ne ọ miẹn ehe na gie Jesu ne ọre Mẹzaia ne irẹn zẹe ye otọ ne uwa nẹ gha dee.

Iwinna 3:20 ပူးပေါင်းရင်းမြစ်များ

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Iyẹn ne ọ Maan Ọghe Mak 13:26

Ẹkpo nii Ovbi Ọmwa gha ye egbe ladian, ọ ghi ke ikpakpa iso gha dee ke irẹn kevbe ẹtin kevbe uyi.

Iyẹn ne ọ Maan Ọghe Luk 19:11

Jesu keghi kpa itan na ma iran ni danmwehọ ẹre, ọ wa sẹ ọkpẹn Jerusalẹm nẹ, iran hia keghi te ro ighe to Arriọba Osanobua ghi ra suẹn.

Iyẹn ne ọ Maan Ọghe Luk 21:27

Ẹkpo nii ọre Ovbi Ọmwa gha na ye gbe ladian, ọ ghi gha dee vbe ikpakpa iso, ke irẹn kevbe ẹtin kevbe uyi.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Iwinna 3:21

Te irẹn gha ka tota vbe ẹrinmwi nẹ, ọ te do sẹ ẹghẹ ne a gha na ya emwi hia khian ọgbọn, zẹ vbene Osanobua la unu avbe akhasẹ ọre ta ẹe ye otọ ke ne ẹkpo imwẹ arria gha dee.

II Tẹsalonaika 2:2

wa ghẹ gie vbene uwa roro ẹe gha rherhe lighi ye uwa aro, ra ne uwa gi ẹe gbe uwa orhiọn, ighẹ ne iran na ta ẹe khian wẹ, rẹn rre nẹ. Ọ gha kẹe, ọmwa ne ọ guan ye otọ vbe akhasẹ ra ọmwa ne ọ kpe orhu, ọre ọ ta ẹmwẹ na. Ra emwa sẹtin wa tae wẹ, ma ọre ọ gbẹn ọẹn ye ebe rre.

II Tẹsalonaika 2:8

Ẹghẹ nii Ọmwa Dan ni ghi ya egbe ladian, e Nọyaẹnmwa Jesu Kristi ghi ya ẹhoho unu ẹnrẹn gbe ẹe ua, ọ ghi vbe ya urremwẹ ọnrẹn ne ọ mwẹ uyi fuẹn ọnrẹn uan, vbe ẹghẹ ne irẹn gha na rre.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.