Iwinna 3:19 - Edo Bible (E Baibol Ẹdo) Version 1996

¹⁹ Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Iwinna 3:19 ပူးပေါင်းရင်းမြစ်များ

Psalm 103:12

Zẹ vbe ne ahọ rrei ne orrie, erriọ rẹn vbe mu orukhọ mwa khian rrei ne ima.

Psalm 51:13

Ẹghẹ nii; mẹ gha ma avbe emwa orukhọ uhi ruẹ, iran ghi dọlegbe bu ruẹ gha dee.

Psalm 51:9

Rhie aro hin orukhọ mwẹ rre, ne u vbe khiẹn emwi dan mwẹ hia hin rre.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Aizaia 61:9

Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Eve Orriara 3:40

Wa gie ima ghe vbene ima yin hẹ, ne a fiwerriẹ bu e Nọyaẹnmwa.

Eve Orriara 5:21

Dọlegbe viọ ima rriegbe Nọyaẹnmwa! Viọ ima rriegbe! Rhie uyi mwa nẹdẹ dọlegbe ye ihe.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Matiu 18:3

Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Iyẹn ne ọ Maan Ọghe Luk 1:16

Ọ gha viọ enibun vbe ivbi Izrẹl dọlegbe bu Nọyaẹnmwa Osanobua iran gha dee.

Iyẹn ne ọ Maan Ọghe Luk 22:57

Sokpan Pita siẹn wẹẹ, “Okhuo na, mẹ ma kue rẹn ọnrẹn.”

Iwinna 1:6

Ugbẹn vbe avbe erhuanegbe ghi koko egbe ya miẹn Jesu, iran nọ rẹn wẹẹ, “Nọyaẹnmwa, ẹ i re te u ra mu nene Arriọba werriegbe ne ivbi Izrẹl na?”

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 11:21

Ẹtin Nọyaẹnmwa kegha gu iran rrọọ, emwa ni bun ẹsẹse keghi yayi, iran na fiwerriẹ bu Nọyaẹnmwa gha dee.

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 28:27

Rhunmwuda ekhọe iran i rẹn emwi, iran vbe kan igban khiọ ehọ, iran na mimi aro gbua, ne aro iran ghẹ ya dẹ ghe, ne ehọ iran ghẹ ya họn, ne Ọ ghẹ ya la iran ekhọe, iran ghi do fiwerriẹ bu mwẹ gha dee mẹ ghi do mu iran egbe rran. Erriọ Osanobua khare.’ ”

Iwinna 3:20

Vberriọ ọre ẹghẹ iwo vbe egbe orhiọn, gha na ke ehe ne Nọyaẹnmwẹ ye gha dee, ne ọ miẹn ehe na gie Jesu ne ọre Mẹzaia ne irẹn zẹe ye otọ ne uwa nẹ gha dee.

Iwinna 3:21

Te irẹn gha ka tota vbe ẹrinmwi nẹ, ọ te do sẹ ẹghẹ ne a gha na ya emwi hia khian ọgbọn, zẹ vbene Osanobua la unu avbe akhasẹ ọre ta ẹe ye otọ ke ne ẹkpo imwẹ arria gha dee.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

II Pita 3:8

Sokpan wa ghẹ mianmian ẹmwẹ ọkpa na, wa ne ọse mwẹ ni ghaan wẹ, vbe aro Nọyaẹnmwa ẹdẹ ọkpa kevbe ukpo arriaisẹn, a lughaẹn ne egbe i rrọọ, ọkpa ọre iran eva khin vbe odaro ẹre.

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”