Iwinna 3:13 - Edo Bible (E Baibol Ẹdo) Version 1996

¹³ Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Iwinna 3:13 ပူးပေါင်းရင်းမြစ်များ

Ẹksọdọs 3:13

Sokpan e Mosis keghi tama Osanobua wẹẹ, “Vbe ne ọ ye na nian, I ghẹ ghi bu ivbi Izrẹl gha khian, I na ya tama iran wẹẹ, ‘Osanobua avbe erha uwa odede ọre ọ gie mwẹ bu uwa gha dee,’ iran gha nọ mwẹ wẹẹ, ‘Vbe a tie eni ẹnrẹn?’ Vbe I a ghi ra tama iran hẹẹ?”

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 22:32

‘Mẹ ọrọre Osanobua Ebraham, Osanobua Aizik kevbe Osanobua Jekọb!’ Ọ ni rhie maa wẹẹ Osanobua ọghe iran ni ma he wu nọ, ẹ i re ọghe ni wulo.”

Matiu 27:2

Iran keghi ya ọgiọrọ de ẹre, iran keghi si ẹe gie Pailet.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Mak 15:11

Sokpan avbe igie ohẹn keghi kpikpi emwa ni gbe ẹbu ye evba wẹ ne iran kha ma Pailet wẹ Barabbas iran ho ne ọ fan fua ighẹ ẹ i re Jesu.

Iyẹn ne ọ Maan Ọghe Luk 22:57

Sokpan Pita siẹn wẹẹ, “Okhuo na, mẹ ma kue rẹn ọnrẹn.”

Iyẹn ne ọ Maan Ọghe Luk 23:4

Pailet keghi tama avbe igie ohẹn kevbe emwa ni gbe ẹbu ye evba wẹẹ, “I ma miẹn emwi ne I gha gu bu ohiẹn gbe ọmwa na.”

Iyẹn ne ọ Maan Ọghe Luk 6:37

“Wa ghẹ bu ohiẹn ẹrrẹe, Osanobua i ra vbe bu ọghe uwa, ghẹ bu abe gbe ẹrrẹe, Osanobua i ra vbe bu gbe uwa, yabọ emwa ọvbehe, Osanobua gha vbe yabọ uwa.

Iyẹn ne ọ Maan Ọghe Jọn 12:16

Avbe erhuanegbe ẹre ma te rẹn emwi ne a ya ọna kha, sokpan ugbẹn vbe a ghi huẹn Jesu kpaegbe la uwu uyi nẹ, iran keghi do yerre wẹ ebe tae ye otọ nẹ, kevbe wẹ iran ruẹe naẹn nẹ.

Iyẹn ne ọ Maan Ọghe Jọn 18:40

Iran keghi van okan ya rhie ewanniẹn ne ẹn wẹẹ, “Hiehiere, ẹ i re irẹn, Barabbas ma họ.” (Izigan ọre Barabbas gha khin.)

Iyẹn ne ọ Maan Ọghe Jọn 19:11

Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”

Iyẹn ne ọ Maan Ọghe Jọn 19:12

Ugbẹn vbe Pailet họn ẹmwẹ na, ọ keghi dọlegbe rhiegba yọ wẹ ne irẹn fan ẹn fua. Sokpan avbe Ju dọlegbe van mu ẹn wẹẹ, “U gha fan oko na fua, ọnii rhie maa ighe u i re ọse Ọgbaisi. Ọmwaikọmwa ne ọ ma egbe ẹre ọba, ẹ i re ọse Ọgbaisi!”

Iyẹn ne ọ Maan Ọghe Jọn 19:15

Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!” Pailet nọ iran wẹẹ, “Te uwa wẹ ne I kan ọba uwa mu ugbugbe ra?” Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”

Iyẹn ne ọ Maan Ọghe Jọn 7:39

Jesu ta ẹmwẹ na rhunmwuda Orhiọn ne a gha rherhe rhie ne iran ni ya ẹe yi. Ẹghẹ na, a ma he rhie Orhiọn ne ọmwarhọkpa rhunmwuda a ma he tọn Jesu mu la uwu uyi.)

Iwinna 22:14

Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 3:12

Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.

Iwinna 4:30

Nien obọ ruẹ ladian ne u ya ẹe mu emwa egbe rran, vbe rhie ne ima ne a gha ye eni Jesu, Ọguọmwadia ruẹ ne ọ huanrẹn winna iwinna ama kevbe ọyunnuan.”

Iwinna 7:32

‘Mẹ ọrọre Osanobua avbe erha uwa odede, Osanobua Ebraham, Aizik kevbe Jekọb.’ Ohan mu Mosis, ọ na gha guọ kpẹkpẹkpẹ, ohan ma ghi gie ẹe ghe ẹre.

Ebe ne Pọl gbẹẹn gie emwa Rom 9:5

Uniẹn avbe erha nikaro iran khin, a gha ta ẹmwẹ Kristi zẹ vbe ọmwa kẹkan, uniẹn iran nii vbe nọ. Osanobua ne ọ kha yan emwi hia ọre a gha rho ẹdẹdẹmwẹdẹ! Isẹ.

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.