Iwinna 3:12 - Edo Bible (E Baibol Ẹdo) Version 1996

¹² Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Iwinna 3:12 ပူးပေါင်းရင်းမြစ်များ

Gẹnẹsis 40:8

Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”

Gẹnẹsis 41:16

E Josẹf keghi wanniẹn wẹẹ, “Ẹ i re imẹ Umogun, Osanobua gha rhie ewanniẹn esi ne ọba.”

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Iwinna 3:11

Ehe ne ọ na da Pita kevbe Jọn obọ yi nii, unu keghi yan emwa hia, iran kegha rhulẹ bu iran rre vbe ehe ne iran tie ẹre “Ugha Solomọn.”

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Ebe ne Pọl gbẹẹn gie emwa Rom 11:1

Te I mẹ ghi nọọn nian. Te Osanobua ghi he emwa rẹn ra? Hiehiere, mẹ tobọ mwẹ, ovbi Izrẹl mẹ khin, ovbi uniẹn Ebraham, ẹwae emwa Bẹnjamin.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

II Kọrinti 3:5

Rhunmwuda emwi rhọkpa i rre uwu ima ne ima gha sẹtin la ekpa ẹre kha wẹ ma sẹe ne ọ gha winna iwinna na. Ẹtin ne a ya sẹtin ruẹe ne ima mwẹ, obọ Osanobua ọre ọ ke rre.

Arhie Maan 7:13

Ọkpa vbe uwu avbe ediọn nii, keghi nọ mwẹ wẹẹ, “Avbe ena khin yi ni ye ogbọnmwọkpa haan na, de ehe e iran ke rre yi?”