Iwinna 3:10 - Edo Bible (E Baibol Ẹdo) Version 1996

¹⁰ Ugbẹn vbe iran ghi do rẹn ighe ne ọ vbu evbare re ne ọ tota ye “Onurho Ne ọ mose” ọghe Ọgua Osa nọ, ọ keghi kpan iran odin, ọ yan iran unu uan ighe emwi ne ọ sunu vbe egbe ẹre.

Iwinna 3:10 ပူးပေါင်းရင်းမြစ်များ

Matiu 14:35

Emwa ẹvbo ni keghi wa rẹn wẹ Jesu nọ, iran keghi ya viọ avbe ọkhọnmwọ hia ni rre iwewe ni lẹga iran bu Jesu gha dee.

Iyẹn ne ọ Maan Ọghe Luk 4:36

Unu keghi yan emwa hia, iran keghi kha wẹ, “Vbe a tie ena vbe emwi? Ẹtin kevbe asẹ ọre okpia na ya gu avbe orhiọn esu guan, iran ghi gele ladian.”

Iyẹn ne ọ Maan Ọghe Luk 9:43

Unu keghi yan emwa hia ye ẹtin nọkhua ọghe Osanobua.

Iyẹn ne ọ Maan Ọghe Jọn 5:20

Rhunmwuda Erha ho ẹmwẹ Ọmọ, rẹn keghi ma ẹre emwi hia ne irẹn tobọ ẹre ru. Ọ gha vbe ma rẹ emwi ni sẹ ena ne ọ gha ru, unu ghi yan uwa hia.

Iyẹn ne ọ Maan Ọghe Jọn 9:3

Jesu wanniẹn tama iran wẹẹ, “Ne ọna rhu aro ma dekan ẹmwẹ orukhọ ọghọe ra ọghe evbibiẹ ọe. Ọ rhu aro ne a miẹn ehe na rhie ẹtin Osanobua ma vbe iwinna ne egbe ẹre.

Iyẹn ne ọ Maan Ọghe Jọn 9:8

Emwa ẹdogbo ẹre, kevbe iran ni ka miẹn ọẹn yi vbe ehe ne ọ na vbu evbare re kegha nọ wẹẹ, “Ọna i re oko ni ne ọ te tota vbu evbare re?”

Iwinna 2:12

Vbene ọ yan iran unu uan, ọ na vbe sunsun ye iran aro nii, iran kegha nọ egbe wẹẹ, “Vbe a ya ena kha?”

Iwinna 2:7

Vbe uwu ne ọna yan iran unu uan yan iran aro ua nii, iran wẹẹ, “Ivbi e Galili iran ni guan na hia khin.

Iwinna 3:2

Okpia ọkpa na ọ wa re uke ke ẹghẹ ne a ya biẹ ọe gha dee kegha rre ehe ne iran tie ẹre Onurho Ne ọ mose. Ẹdẹgbegbe ọre iran ya gha mu okpia na ye onurho na, ne ọ gha nọ emwa ni ra ya ga vbe Ọgua Osa, igho.