Iwinna 28:8 - Edo Bible (E Baibol Ẹdo) Version 1996

⁸ Erha Publiọs keghi lovbiẹ, egbe ma rran rẹn, ọ keghi họn ẹmwẹ emwirraro kevbe ezẹginzẹgin. Pọl keghi la ughugha ẹre, ọ na erhunmwu, ọ keghi viọ obọ yan rẹn, ọ na mu ẹre egbe rran.

Iwinna 28:8 ပူးပေါင်းရင်းမြစ်များ

Matiu 10:1

Jesu keghi tie iran iweva ne erhuanegbe ẹre si koko. Ọ rhie ẹtin ne iran ne iran ya gha khulo avbe orhiọn esu ladian, ne iran gha sinmwi emwa nikhuọnmwi kevbe ni huẹhuẹ hia.

Matiu 10:8

Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.

Matiu 12:13

Rẹn keghi tama okpia ni wẹẹ, “Niẹn obọ ruẹ ladian.” Ọ ghi siẹe ladian, obọ ẹre keghi do gha maa vbene nọkpa ye.

Matiu 9:18

Vbene Jesu he wa ye guan, olotu avbe Ju ọkpa bu ẹre rre, ọ diguẹ nẹẹn, ọ wẹẹ, “Enọwanrẹn te ovbi mwẹ nokhuo wa da kpan udu na, sokpan, gha dee do rhie obọ ruẹ yan rẹn, ọ gha ye fe.”

Iyẹn ne ọ Maan Ọghe Mak 16:18

Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Iyẹn ne ọ Maan Ọghe Mak 5:23

Ọ kakabọ rinmwian ẹn wẹẹ, “Egbe ma zẹdẹ rran ovbi mwẹ ne okhuo. Lahọ gha dee do viọ obọ ruẹ yan rẹn ne egbe miẹn ehe na rran rẹn ne ọ ghẹ wu.”

Iyẹn ne ọ Maan Ọghe Mak 6:5

Ọ ma sẹtin winna iwinna ọyunnuan rhọkpa vbe evba gberra wẹ, ọ viọ obọ yan avbe ọkhọnmwọ eso, ọ keghi mu iran egbe rran.

Iyẹn ne ọ Maan Ọghe Mak 7:32

Iran keghi rhie okpia ne ayin ehọ ne ẹ i vbe sẹtin guan ẹse bu ẹre rre, iran rinmwian Jesu ne ọ viọ obọ yan rẹn.

Iyẹn ne ọ Maan Ọghe Luk 13:13

Rẹn keghi rhie obọ yan rẹn, ọwarọkpa nii okhuo nii keghi nien egbe ua, ọ na gha rho Osanobua vbe uyi.

Iyẹn ne ọ Maan Ọghe Luk 4:40

Ovẹn ghi dero nẹ, emwa hia ni ghi mwẹ ọmwa ne ọ khuọnmwi emianmwẹ ne ọ rhirhi ghi khin keghi viọ iran bu Jesu gha dee, ọ keghi viọ Obọ ẹre yan dọmwadẹ ọghọe vbe uwu iran, ọ keghi mu iran hia egbe rran.

Iwinna 28:7

Otọe okpia ọkpa ne a tie eni ẹnrẹn Publiọs keghi sikẹ evba, rẹn ọre ọ vbe re enogie ẹvbo ni. Rẹn keghi wa miẹn ima yi, ma na gbe ikpẹdẹ eha vbe owa ẹre.

Iwinna 28:9

Ọna ghi sunu nẹ avbe ọkhọnmwọ ni rre ẹvbo ne ẹzẹ lẹga nii keghi gha dee a keghi mu ehia egbe rran.

Iwinna 9:40

Pita keghi viọ iran hia ladian vbe ughugha nii, ọ keghi diguẹ, ọ na na erhunmwu, ọ mu aro da ikun ẹnrẹn nii, ọ wẹẹ, “Tabita, kpaegbe!” Rẹn keghi rhan aro ua, ọ ghi bẹghe Pita, ọ keghi kpaegbe tota.

I Kọrinti 12:28

Rhunmwuda ọnii khekherriọ, te Osanobua rhie ihe edọmwadẹ ọghọe nẹẹn vbe uwu esọsi, okaro avbe ukọ, vbe ukpo ne ogieva, avbe akhasẹ, vbe ukpo ne ogieha avbe ọmamwaemwi, vbe iyeke ọnii, iran ni winna iwinna ọyunnuan, iran ne a rhie ẹtin ne a ya sinmwi ọmwa na ghi lele ẹe, ra iran ni ye emwa ọvbehe obọ, ra ne ọ dia iran ye odẹ, ra ne iran gha ye urhu ne a ma rẹn guan.

I Kọrinti 12:9

Orhiọn ọkpa nii ọre ọ ya amuẹntinyan we emwa eso, vbene ọ na vbe ya ẹtin ne a ya mu ọmwa egbe rran we ọmwa ọvbehe.