Iwinna 28:4 - Edo Bible (E Baibol Ẹdo) Version 1996

⁴ Emwa ẹvbo ni ghi miẹn vbe ẹyẹn nii sikan mu Pọl obọ, iran na gha kha wẹẹ, “Ọ gha kẹe izigha oko na wa khin, egbe ne ọ ya miẹn uhunmwu rhie ladian vbe ẹzẹ na. Ẹrinmwi ma ye faẹn.”

Iwinna 28:4 ပူးပေါင်းရင်းမြစ်များ

Gẹnẹsis 3:1

Ẹyẹn kegha re ne ọ ghi ru ero sẹ vbe uwe aranmwẹ ne Nọyaẹnmwa Osanobua yi hia. Ẹyẹn keghi nọ okhuo nii wẹẹ, “Te Osanobua gele wẹ ne uwa ghẹ rri ọmọ erhan ni rre uwe ogba na rhọkpa ra?”

Itan 28:17

Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 43:20

Ya sẹ egbe avbe aranmwẹ oha, iran gha rhie ọghọ mẹ, kevbe ekuaghagha kevbe avbe ugomugo, ehia gha rho mwẹ vbe uyi vbe I gha gie amẹ gha lẹ vbe ato, ne ọ rhie amẹ ne emwa mwẹ ne I hannọ zẹ.

Zẹfanaia 2:15

Emwi ne ọ ra rruan rẹn ọre ọnii khin ighe ẹvbo ni ne ọ ya ẹtin ẹnrẹn rhuọ vberriọ ne ọ na vbe ro wẹ ẹbe fo. Emwa rẹn ro wẹ ẹvbo iran ọ re ọ ghi kpọlọ sẹẹ vbe agbọn na hia. U miẹn egbe ehe ne ọ dihoi rua ne ọ ra khian, ehe ne avbe aranmwẹ oha gha na gha kẹtin. Ọmwa ne ọ rhirhi a la evba gberra gha ya iyeke werriegbe rhunmwuda vbene ọ ya mu ọmwa ohan.

Matiu 23:35

Rhunmwuda ọnii, ikhi ne a ra rria ye ẹmwẹ emwa ni ma rukhọ ne a gbele ua na, wa ọre ọ ra ya uhunmwu tọn ẹn mu. Ke egbe Ebel ne ọ ma rukhọ gha dee do sẹ egbe Zekaraia ne ovbi e Barakaia, ne uwa gbe ua ye ẹkpo Ọgua Osa kevbe ogiukpo.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Luk 13:2

Jesu wanniẹn tama iran wẹẹ, “Wa yayi ighẹ vbene a gbele iran na wa rhie maa ighẹ iran ọre ọ ru orukhọ sẹ emwa Galili nekpa hia?

Iyẹn ne ọ Maan Ọghe Luk 13:4

Iran evairrọvbugie ni wulo vbe ihie siẹn rhu iran vbe Siloam vbe vbo? Wa yayi ighẹ ọnii rhie maa ighẹ iran ọre ọ ru orukhọ sẹ emwa ni rre Jerusalẹm hia?

Iyẹn ne ọ Maan Ọghe Jọn 7:24

Wa ghẹ gha lele erriọ I họn bu ohiẹn, wa gha lele odẹ ẹmwata bu ohiẹn.”

Iwinna 28:2

Emwa ni rre ẹvbo nii keghi wa ya obọ esi mu ima. Rhunmwuda ne amẹ na gha rhọ nii, oni kegha fi, iran keghi koko erhẹn ya gbe ọbokhian ne ima.

Iwinna 28:3

Pọl kegha silo ikun erhan, ehe ne ọ na hẹ ọre ye erhẹn ni, owowo ẹre keghi khu ẹyẹn ladian ke uwu ẹre rre, ọ na sikan mu ẹre obọ.

Iwinna 28:5

Sokpan, Pọl keghi sanmwẹ ẹyẹn ni fi uwu erhẹn vbe ne ọ ma na ru ẹre emwi hiehie.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”