Iwinna 28:30 - Edo Bible (E Baibol Ẹdo) Version 1996

³⁰ E Pọl keghi gbe ukpo eva vbe owa ne ọ vbu dia gha ha osa yi, ọ na miẹn emwa hia ni do tuẹ ọe yi.

Iwinna 28:30 ပူးပေါင်းရင်းမြစ်များ

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Jerimaia 38:13

Iran keghi sii mwẹ ladian hin uwu uhae nii rre. Vbe iyekọni, a na ghi da mwẹ yi ye uwu ẹguae.

Iyẹn ne ọ Maan Ọghe Jọn 1:39

Rẹn wanniẹn tama iran wẹẹ. “Wa do ghe ọre.” Rhunmwuda ọnii, iran keghi lele ẹe gha khian, iran na do miẹn ehe ne ọ diaa. Iran keghi tota ke ẹe la ẹdẹrriọ fo. (Odẹ ihe ẹgogo enẹ vbe avan ọre ẹdẹ gha ye.)

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 24:27

Ukpo eva ghi gberra nẹ Pọsiọs ne ovbi e Fẹstọs keghi rhie ihe Fẹlis vbe ukpo e Ne ọ khaemwisẹ. Fẹlis keghi ho ne avbe Ju gha ta ẹmwẹ ọnrẹn ẹse, ọ na rhunmwuda ọnii sẹ Pọl rae ye ẹwẹdọ.

Iwinna 28:16

Ma ghi sẹ Rom, iran keghi sẹ Pọl rae ne ọ tobọ ẹre tota ye ihọkpa, iran rhie ovbiyokuo ọkpa wẹ ne ọ gha rhie aro lele ẹe.

Iwinna 28:29

Pọl ghi ta ẹmwẹ na nẹ, avbe Ju keghi kpao vbe ne iran na vannọ okan ya gu egbe muan ẹmwẹ.]

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Ebe ne Pọl gbẹẹn gie emwa Rom 15:32

Erriọ I gha na ye ẹko ọyẹnmwẹ bu uwa gha dee, a deghẹ Osanobua ho, ne ima kugbe bọbọ egbe rọkhọmwẹ ọghe otuẹ na.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

II Kọrinti 6:5

A gbe ima asan, a mu ima ye ẹwẹdọ, a ko gbe mwa, a ya ima miẹn ẹsọn, ma kegha rrọọ vbe ne a i na rri evbare kevbe ne a i na vbiẹ.

Filipai 1:13

Emwi ne ọ ghi sunu ọrọre wẹ, avbe ivbiyokuo ni khẹ ẹguae hia, kevbe emwa ọvbehe ni rre emwa na, rẹnrẹn wẹ emwi ne I rre eghan ba ọrọre wẹ ọguọmwadia Kristi ọre I khin.

II Timoti 1:17

Ọwarọkpa vbe ọ wa sẹ Rom, ọ kegha gualọ mwẹ khian rhinrin ọ te do miẹn mwẹ.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.