Iwinna 28:3 - Edo Bible (E Baibol Ẹdo) Version 1996

³ Pọl kegha silo ikun erhan, ehe ne ọ na hẹ ọre ye erhẹn ni, owowo ẹre keghi khu ẹyẹn ladian ke uwu ẹre rre, ọ na sikan mu ẹre obọ.

Iwinna 28:3 ပူးပေါင်းရင်းမြစ်များ

Job 20:16

Emwi ne ọmwa dan mi re te ọ ye vbe eruan te ọ gbe ẹe rua zẹ vbene obi ẹyẹn dan sae.

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 41:24

Ke uwa kevbe emwi ne uwa ru hia, kẹkan ehia khin. Emwa izohu ọ re iran ni gho uwa khin!

Aizaia 59:5

U ma dan ne uwa si mwẹ ikuaengbe vba ekẹn ẹyẹn ne ọ mwẹ obi. Gbe ekẹn ọkpa, ẹyẹn ghi yegbe ke uwu ẹre ladian! Sokpan, wa i ra vbe miẹn ọ maa ọkpa vbe uwu uma dan ne uwa si. Iran rhia sẹ ukpọn ne a ya ido akpakpa do!

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Mak 16:18

Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Iwinna 28:2

Emwa ni rre ẹvbo nii keghi wa ya obọ esi mu ima. Rhunmwuda ne amẹ na gha rhọ nii, oni kegha fi, iran keghi koko erhẹn ya gbe ọbokhian ne ima.

Iwinna 28:4

Emwa ẹvbo ni ghi miẹn vbe ẹyẹn nii sikan mu Pọl obọ, iran na gha kha wẹẹ, “Ọ gha kẹe izigha oko na wa khin, egbe ne ọ ya miẹn uhunmwu rhie ladian vbe ẹzẹ na. Ẹrinmwi ma ye faẹn.”

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

II Kọrinti 6:9

Zẹ vbe emwa ne a ma rẹn, Sevba emwa hia ọre ọ rẹn mwa, vbene a miẹn wẹ ma wulo nẹ, sokpan, wa tobọ uwa miẹn wẹ ma ye hiọnrọn, a rhe rri ma oya, sokpan a ma gbele ima uan.