Iwinna 28:26 - Edo Bible (E Baibol Ẹdo) Version 1996

²⁶ “ ‘Gha khian, ya tama iran na: Wa gha gbe ehọ ke otọ danmwehọ sokpan wa i ra rẹn otọ ẹmwẹ nii, wa gha rhan aro gha ghe ẹre sokpan wa i ra dẹghe ẹre.

Iwinna 28:26 ပူးပေါင်းရင်းမြစ်များ

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 66:4

Rhunmwuda ọnii, I gha gie ọkhọ rruan iran, emwi nii ne ohan rẹn wa mu iran, rhunmwuda, ẹghẹ ne I na gha tie iran, a ma miẹn ne ọ khuẹnniẹn, ẹghẹ ne I na gha guan, a ma miẹn ne ọ danmwehọ mwẹ. Iran na wẹ te iran gha hẹ uhunmwu yọmwẹ obọ, ne iran gha ru emwi dan.”

Jerimaia 5:21

Wa danmwehọ wa ne akpa vbe abobo, ni mwẹ aro, sokpan iran i ya ẹe bẹghe, ni mwẹ ehọ sokpan iran i ya ẹe họn ẹmwẹ.

Ezikiẹl 12:2

“Ovbi ọmwa, uwu ẹbu etẹ ọ re u ye. Iran mwẹ aro sokpan, iran i bẹghe emwi rhọkpa, iran mwẹ ehọ, sokpan, iran i họn ẹmwẹ rhọkpa, rhunmwuda, etẹ ọ re iran khin.

Iyẹn ne ọ Maan Ọghe Mak 4:12

Na miẹn ehe na miẹn wẹẹ: “ ‘Vbe ne iran gha ghe sẹ, iran i bẹghe! Vbene iran gha danmwehọ sẹ, iran i rẹn otọ ẹre, ne iran ghẹ ya fi ekhọe werriẹ bu Osanobua, rẹn ghi vbe do ya bọ iran.’ ”

Iyẹn ne ọ Maan Ọghe Luk 24:25

Jesu wanniẹn tama iran wẹẹ, “A miẹn vbe uwa kọn hẹẹ! A miẹn vbe ọ kpẹ uwa obọ hẹẹ ne uwa ya ẹmwẹ ne avbe akhasẹ tae yi!

Iyẹn ne ọ Maan Ọghe Luk 24:45

Ọ keghi rhie ẹwaẹn ye iran ekhọe ne iran miẹn ehe na rẹn otọ avbe Ebe ni.

Iyẹn ne ọ Maan Ọghe Luk 8:10

Jesu keghi wanniẹn wẹẹ, “A rhie ne uwa nẹ ne uwa rẹn oro ne ọ rre ẹmwẹ Arriọba Osanobua, sokpan itan ọre a ya tae ma emwa ọvbehe ne a miẹn wẹ iran gha tọn aro yọọ, sokpan iran i dẹghe, iran gha danmwehọ sokpan iran i rẹn evba yae kha.

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Diuteronomi 29:4

Sokpan, do sẹ ẹdẹnẹrẹ na, ọ ma he sẹtin ru ẹe ne uwa rẹn otọ emwi ne uwa miẹn.