Iwinna 28:23 - Edo Bible (E Baibol Ẹdo) Version 1996

²³ Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 28:23 ပူးပေါင်းရင်းမြစ်များ

Iyẹn ne ọ Maan Ọghe Mak 4:34

Rẹn i vbe ta ẹmwẹ ọkpa fua ma iran vbe ẹ i re te ọ kpa ẹre itan, sokpan ọ ghẹ ghi kẹ irẹn kevbe avbe erhuanegbe ẹre ọkpa, ọ ghi rhan otọ emwi hia ma iran.

Iyẹn ne ọ Maan Ọghe Luk 16:28

I mwẹ etẹn ikpia isẹn, ne ọ wa yan ma iran ne iran ghẹ vbe gha di uwu obalọ na.’

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 4:34

Jesu tama iran wẹẹ, “Evbare mwẹ ọrọre ne I họn ẹmwẹ ọmwa ne ọ gie mwẹ uhunmwu, ne I vbe winna okhuo ne ọ fian mẹ fo.

Iwinna 1:3

Vbe uwu ikpẹdẹ iyeva, iyeke vbe ọ wu nẹ, ọ keghi rhie egbe maa iran inugba ne ọ khin, ne ọ ya gie aro iran dae vbene a i ghi na bọ iro eva wẹẹ, rẹn rre agbọn. Iran miẹn ọẹn, rẹn keghi vbe gu iran guan ẹmwẹ Arriọba Osanobua.

Iwinna 18:28

Rhunmwuda, ọ keghi ya imuan ẹmwẹ ọnrẹn ne ọ wo vbe egbe ya avbe Ju rhie obọ gue unu iran, vbe iran a vba egbe vbe ẹbu emwa, ọ keghi ya ẹmwẹ Ebe ni rhie ma wẹ, Jesu ọrọre nene Mẹzaia.

Iwinna 18:4

Ọ kegha guan vbe Ọgua ediọn vbe Ẹdẹ Ikẹtin hia vbe ne ọ na ho nọ fi avbe Ju kevbe Grik ekhọe werriẹ.

Iwinna 19:8

Pọl keghi la Ọgua ediọn, ọ keghi ya uki eha mobọ gu avbe emwa ni guan, ọ keghi gu iran gha muan ẹmwẹ, ọ kegha ho ne ọ fi iran ekhọe werriẹ ghe ẹmwẹ Arriọba Osanobua.

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 26:6

Wanwanna nian, emwi ne a ba mwẹ ifi ẹzọ ba ọrọre wẹ rhunmwuda mẹ rhie ekhọe ye emwi ne Osanobua ve avbe erha mwa odede re.

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 8:35

Filip keghi suẹn gha guan, ọ ke ehe ne ọ tie re vbe ebe na la rọ, ọ na kpe orhu Iyẹn Ne ọ maa ọghe Jesu ma rẹn.

Failimọn 1:2

Kevbe esọsi ne a do vbe owa ruẹ, kevbe ọtẹn ima ne okhuo ighẹ Afia, kevbe ogieva ima ne ima gba re ovbiyokuo ighẹ Akipọs.

Failimọn 1:22

U ghi wa dọlọ ughugha ọkpa yi ye otọ khẹ mwẹ, rhunmwuda, I mwẹ idaehọ wẹ Osanobua gha họn erhunmwu uwa hia, ne a dọlọ rhie mwẹ bu uwa gha dee.