Iwinna 28:20 - Edo Bible (E Baibol Ẹdo) Version 1996

²⁰ Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Iwinna 28:20 ပူးပေါင်းရင်းမြစ်များ

Jerimaia 40:1

E Nebuzaradan ne arowa ivbiyokuo ghi fan mwẹ fua nẹ, vbe Rama, e Nọyaẹnmwa keghi gunmwẹ guan. Te a ya ọgiọrọ rro mwẹ mu gha rrie evba deba avbe emwa nekpa ne ivbi e Jerusalẹm kevbe Juda ne a viọ ẹre oghunmwu rrie Babilọn.

Iwinna 10:29

Ọre a na miẹn wẹ ugbẹn vbe u gie ne a tie mwẹ, I ma vbe fieghe uhunmwu, I keghi wa gha dee. Rhunmwuda ọnii te I ghi nọ ruẹn nian, vbe u a tie mwẹ baa?”

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 26:29

E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Filipai 1:13

Emwi ne ọ ghi sunu ọrọre wẹ, avbe ivbiyokuo ni khẹ ẹguae hia, kevbe emwa ọvbehe ni rre emwa na, rẹnrẹn wẹ emwi ne I rre eghan ba ọrọre wẹ ọguọmwadia Kristi ọre I khin.

Kọlose 4:18

Obọ mwẹ ọre I ya gbẹn ọna: Pọl we uwa do, wa ghẹ mianmian ọgiọrọ ne I ye. Te ẹsọhẹ Osanobua gha gu uwa gha rrọọ.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Failimọn 1:10

Rhunmwuda ọnii, I ra nọ ruẹn emwi ọkpa, rhunmwuda Onisimọs ne ovbi mwẹ vbe uwu Kristi, rhunmwuda, ehe ne I na rre uwu eghan vbe emwa na, ọre I na khian erhae vbe ekpa ọghe orhiọn.

Failimọn 1:13

Ọ te khọn mwẹ ne I wẹ ne ọ gun mwẹ tota vbe uwu eghan vbe emwa na, vbe ehe ne I ye ba ẹmwẹ Iyẹn Ne ọ maa, ne ọ gha ru iyobọ ne uwẹ gha te ru mẹ, mẹ.