Iwinna 28:19 - Edo Bible (E Baibol Ẹdo) Version 1996

¹⁹ Sokpan ugbẹn vbe avbe Ju ma ghi kue vberriọ, I ma ghi miẹn odẹ ọvbehe la vbọ gberra ne I tọn ẹzọ mwẹ mu gha rrie ọghe Nọgbaisi, a gha rhe miẹn wẹ I i mwẹ ẹzọ ne i ra gu emwa mwẹ gui.

Iwinna 28:19 ပူးပေါင်းရင်းမြစ်များ

Matiu 14:22

Ugbẹn vbe Jesu ghi ra zẹ avbe emwa ni urrie, ọ khama avbe erhuanegbe ẹre ne iran la okọ ya mudia khẹ irẹn vbe iyeke ẹzẹ nọkpa.

Iwinna 25:21

Sokpan Pọl keghi tọn ẹzọ mu, ọ wẹ ne a mu irẹn ye owa ọkhẹ ne Nọgbaisi do bu ohiẹn irẹn. Ọ re I na rhunmwuda ọnii wẹ ne iran muẹn ye owa ọkhẹ I to do sẹtin rhie ẹre bu Nọgbaisi.”

Iwinna 25:25

Sokpan mẹ ma miẹn wẹ ọ ru emwi dan ọkpa ne a gha rhunmwuda ẹre bu ohiẹn uwu gbe eẹ. Ugbẹn vbe irẹn ghi tobọ ẹre tọn ẹzọ ẹre mu gha rrie ọghe Nọgbaisi, I na wẹ I gha rhie ẹre gha khian.

Iwinna 26:32

Agripa keghi tama Fẹstọs wẹẹ, “A gha te fan oko na fua akpawẹ ọ ma tọn ẹzọ ẹre mu gha rrie ọghe Nọgbaisi.”