Iwinna 28:17 - Edo Bible (E Baibol Ẹdo) Version 1996

¹⁷ Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Iwinna 28:17 ပူးပေါင်းရင်းမြစ်များ

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 22:5

Ogie Ohẹn kevbe iran ne emwa iko gha rẹn ighẹ ẹmwata ọre I ta. Iran ọre I miẹn ẹre ebe ne a rhie gie avbe Ju ne etẹn mwa ni rre Damaskọs, ọre I na gha khian ne I ya munọ emwa na, ne I ya eghan gbalọ iran hẹ gha die Jerusalẹm ne a do rri iran oya.

Iwinna 23:33

Iran keghi rhie ẹre gha rrie Sisaria, iran rhie ebe nii ne Ne ọ khaemwisẹ, iran keghi vbe rhie Pọl nẹẹn.

Iwinna 25:10

E Pọl keghi kha wẹẹ, “Odaro iko ne a na bu ohiẹn ọghe Nọgbaisi tobọ ẹre ọre I mudia yi na, ehe ne ọ kere ne a na gui ẹzọ mwẹ. I ma mwẹ emwi ne I ru avbe Ju re, zẹ vbe ne uwẹ tobọ ruẹ rẹnrẹn ẹsẹse.

Iwinna 25:2

Evba nii ọre avbe igie ohẹn kevbe avbe olotu e Ju na vbe gui ẹzọ Pọl ma rẹn.

Iwinna 25:8

Sokpan, Pọl keghi vbe ze ne unu ẹnrẹn wẹ, “I ma fidọn vbe emwi rhọkpa, ọ re Uhi avbe Ju nọ ra Ọgua Osa ra e Nọgbaisi e Rom.”

Iwinna 6:14

Rhunmwuda, ma họn ẹn vbe ọ khare wẹẹ, Jesu ne Ovbi e Nazarẹt na, gha do guọghọ Ọgua Osa sẹ otọ, ọ ghi vbe fi iyi otọe mwa ne Mosis ma ima re werriẹ.”