Iwinna 28:16 - Edo Bible (E Baibol Ẹdo) Version 1996

¹⁶ Ma ghi sẹ Rom, iran keghi sẹ Pọl rae ne ọ tobọ ẹre tota ye ihọkpa, iran rhie ovbiyokuo ọkpa wẹ ne ọ gha rhie aro lele ẹe.

Iwinna 28:16 ပူးပေါင်းရင်းမြစ်များ

Gẹnẹsis 37:36

Vbe uwu ẹghẹ na, emwa Midian keghi khiẹn Josẹf ne Pọtifa vbe Igipt, ọkpa vbe uwu ọruemwi ọba e Fero nọ, rẹn ọrọre ọkaolotu iran ni khẹ odẹ vbe ẹguae.

II Ọba 25:8

Ọ ghi sẹ ikpẹdẹ ne ogihinrọn ọghe ukpo ne ọ ya gba vbe ọkpa irrọ vbugie ọghe Nebukiadneza e Babilọn, e Nebuzaradan ne ọ gu ọba zẹ iro ne ọ vbe re ne ọ kha yan ivbi iyokuo ẹre, keghi la ore Jerusalẹm.

Jerimaia 38:13

Iran keghi sii mwẹ ladian hin uwu uhae nii rre. Vbe iyekọni, a na ghi da mwẹ yi ye uwu ẹguae.

Jerimaia 40:2

Arowa ivbiyokuo keghi rhie mwẹ ghe efọnkpa, ọ wẹẹ, “E Nọyaẹnmwa ne Osanobua ruẹ niẹn obọ ye ẹvbo na aro wẹ ọkhọ gha rruan rẹn,

Iwinna 18:2

Ọ keghi do vba e Ju ọkpa vbe evba, a keghi tie eni ẹnrẹn Akuila, Pọntus ọre a na biẹ ọe, ọ ma he kpẹe ne irẹn vbe Priskila ne amwẹ ọnrẹn gba ke Itali gha dee, rhunmwuda ighẹ Klọdiọs ne Ọgbaisi wẹ ne ivbi e Ju hia kpao vbe Rom rre. Pọl keghi ya tuẹ iran.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 2:10

Ke Frigia Pamfilia, kevbe Igipt kevbe iwewe Libya, ọkpẹn Sairin kevbe Rom rre.

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Iwinna 24:23

Ọ na tama ọmwa ne ọ rre asẹ ne a rhie Pọl nẹ dayi wẹ, ne iran ye gha rhie aro lele ẹe, sokpan ne avbe gi ẹe gha fanmwegbua ugbẹnso, kevbe ne a giẹ avbe esiọre gha viọ emwi ne ọ ho giẹe.

Iwinna 27:3

Ẹdẹ ne ọ lele ẹe, ma keghi sẹ Saidọn. Juliọs keghi tohan Pọl, ọ na giee ya miẹn avbe esiọ re, ne iran miẹn ehe na we ehe ye ọre ẹkpo.

Iwinna 27:31

Sokpan Pọl keghi tama ọkaokuo ne ọ rre asẹ ni kevbe avbe ivbiyokuo wẹẹ, “Adeghẹ avbe oziguẹ na ma mudia vbe okọ, wa i miẹn uhunmwu.”

Iwinna 27:43

Sokpan ovbiyokuo ne ọ rre asẹ nii keghi ho ne irẹn sinmwi uhunmwu e Pọl, rhunmwuda ọnii, ọ ma gie iran ruẹe vberriọ. Ọ na ghi wẹ ne iran ni gua ra khuẹ vbọ sannọ fi ẹzẹ ne iran ka khuẹ gha rrie oke.

Arhie Maan 17:18

“Nene okhuo ne u dẹghe keghi re nene ẹvbo nọkhua ne ọ hin yan avbe ọba otọ agbọn na.”

Arhie Maan 17:9

“Ogie ẹwaẹn kevbe irẹnmwi nọkhua ọ re ọ na gualọ. Uhunmwu ihinrọn nii kegha re avbe oke ihinrọn, avbe oke ni ne okhuo ni tota yan. Ọba ihinrọn ọre iran vbe khin,