Iwinna 28:14 - Edo Bible (E Baibol Ẹdo) Version 1996

¹⁴ Ma keghi miẹn ivbi iyayi eso vbe evba, iran na wẹ ne ima gu iran gbe uzọla ọkpa. Iyeke ọnii ma ke do sẹ e Rom.

Iwinna 28:14 ပူးပေါင်းရင်းမြစ်များ

Gẹnẹsis 7:4

Vbe ẹdẹ ne ẹdẹ ihinrọn ẹre, I gha gie amẹ ye avan iyeva kevbe asọn iyeva rhọ ye agbọn, ne ọ miẹn ehe na fuẹn emwi hia ne I yi ni rre agbọn.”

Psalm 119:63

Ọse iran hia ni gaa ọ re imẹ khin, iran hia ni ya uhi ruẹ ru emwi.

Matiu 10:11

“Ẹvbo ne uwa a rhirhi lao, ọ kpọlọ ra ọ kanmwa, wa gualọ ọmwa ne ọ gha miẹn uwa yi ne uwa di owa ẹre ya, wa te do kpao vbe ẹvbo ni.

Iyẹn ne ọ Maan Ọghe Jọn 21:23

Iran keghi wa rhunmwuda ọnii gha ta ẹe khian vbe uwu ẹbu avbe erhuanegbe wẹ rẹn i ra wu: Sokpan Jesu ma kha ighẹ ẹ i ra wu, emwi ne ọ khare ọre wẹ, “Deghẹ I ho ne ọ gha rre agbọn I te do rre, de ne ọ kan ruẹn vbọ?”

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 19:1

Ẹghẹ ne Apọlọs na gha rre Kọrinti, e Pọl keghi khian la uwu otọ ẹvbo nii, ọ keghi lae do sẹ Ẹfisọs. Rẹn keghi vbe miẹn erhuanegbe eso vbe evba.

Iwinna 20:6

Ma keghi gua okọ kpao vbe Filipai vbe iyeke Emwiukpo Ebrẹd Ne ọ ma hue. Ọ ghi rre ikpẹdẹ isẹn, ma keghi ya vbe iran vbe Troas, ma na gbe uzọla ọkpa vbe evba.

Iwinna 21:4

Ma keghi miẹn ivbi iyayi eso vbe evba, ma na gu iran gbe uzọla ọkpa. Iran keghi le ekpa ẹtin Orhiọn tama Pọl ne ọ ghẹ ye Jerusalẹm.

Iwinna 28:13

Ma keghi ke evba gua okọ kpao, ma keghi do sẹ ẹvbo ne a tie ẹre Rhigiọm. Vbe ikpẹdẹ ne ọ lele ẹe, ẹhoho kegha hoho ke odẹ ekẹn rre, vbe uwu ikpẹdẹ eva, ma na do sẹ ẹvbo ne a tie ẹre Puteoli.

Iwinna 28:15

Etẹn ni rre Rom ghi họn ẹmwẹ ima, iran keghi khian bu ima. Ugbẹn vbe Pọl ghi miẹn iran, ọ na kpọnmwẹ Osanobua, orhiọn keghi la ẹre iwu.

Iwinna 28:21

Iran wanniẹn tama rẹn wẹẹ, “Iran ma he gbẹn ebe ke Judia gie ima vbe ekpa ruẹ.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Iwinna 9:30

Ugbẹn vbe emwi na ghi vẹ ne avbe etẹn rẹn, iran keghi rhie Sọl gha rrie Sisaria, iran na ke evba rhie ẹre gha rrie Tasọs.

Ebe ne Pọl gbẹẹn gie emwa Rom 1:13

I ho ne uwa rẹn, etẹn mwẹ wẹ ẹghẹ ni bun ọre I he ya mu egbe ne I do tuẹ uwa sokpan, emwi eso ghi de gbe odẹ, ẹ i gun mwẹ rre. I te vbe ho ne I fi emwa eso ekhọe werriẹ ye iyayi vbe uwu uwa zẹ vbe ne I vbe fi eso ekhọe werriẹ ye iyayi vbe uwu iran ne ẹ i re Ju ni rre ehe ọvbehe.