Iwinna 28:11 - Edo Bible (E Baibol Ẹdo) Version 1996

¹¹ A ghi tie ẹre uki eha ghi nọ, ma keghi la okọ ọkpa ne iran tie eni ẹnrẹn, “Ẹbọ Ne Agbeva” ne ọ ke Alẹkzandria rre do gbe ẹghẹ okhuakhua vbe ẹvbo ne amẹ lẹga na.

Iwinna 28:11 ပူးပေါင်းရင်းမြစ်များ

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Jona 1:16

Ohan emwi na keghi mu avbe oziguẹ sẹrriọ wẹ, iran na zọ ẹse ghe Nọyaẹnmwa, iran na vbe yan wẹ iran gha vbe gha ga ẹe.

Jona 1:5

Ohan keghi kakabọ mu avbe oziguẹ dọmwadẹ ọghe ọe kegha tu tie ẹbọ ne ọ biẹ ọe ne ọ bu irẹn rre. Iran keghi gha filo ihẹ ne okọ mu ku ẹzẹ ne a ghẹ gie okọ ni. Ẹghẹ ne a kha na, e Jona keghi wa gha rrie otọ okọ, ọ ke ya lovbiẹ ye otọ owa okọ, ọ na vbiẹ ua.

Iwinna 13:6

Iran keghi wa fian ẹvbo ne amẹ lẹga ni rra gha rrie Pafọs, iran keghi dekun ọbo edunna ọkpa ne a tie eni ẹnrẹn Ba-Jesu vbe evba, ovbi e Ju ọkpa ne ọ vbe gha tie egbe ẹre akhasẹ.

Iwinna 27:6

Evba ọre ne ọ rre asẹ na miẹn okọ ne ọ khian gua gha rrie Itali, ọ na rhunmwuda ọnii viọ ima la rọ.

Iwinna 28:10

Iran keghi ya emwi ni bun ha oko gie ima. Ma ghi la okọ, iran keghi viọ emwi ne ọ gha sẹ ima lo vbe okhian ẹzẹ ni ye ima okọ.

Iwinna 28:12

Ma keghi do sẹ ẹvbo ne iran tie ẹre Sirakus, ma keghi gbe ikpẹdẹ eha vbe evba.

Iwinna 6:9

Sokpan emwa eso kegha kpankan ẹre ẹmwẹ, iran na kegha re emwa Ọgua ediọn Eniyan Egbe iran (zẹ vbene emwa tie iran) uwu iran na ọre avbe Ju ni ke Sameria kevbe Alẹkzandria rre ye. Iran na kevbe avbe Ju eso ni ke Silisia kevbe Asia rre keghi suẹn gha muan Stivin ẹmwẹ.

I Kọrinti 8:4

Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.