Iwinna 27:40 - Edo Bible (E Baibol Ẹdo) Version 1996

⁴⁰ Iran keghi rhunmwuda ọnii giagia adẹn ne iran ya mu okọ mudia ye uwu odin, iran sẹ iran rae ye uwu amẹ. Iran keghi vbe giagia irri ne a ya gbalọ obele mu okọ. Iran tọn ukpọn ne ẹhoho ya mu okọ khian mu vbe odaro ẹre, ne ẹhoho miẹn ehe na bi okọ ghe odaro gha rrie oke.

Iwinna 27:40 ပူးပေါင်းရင်းမြစ်များ

Matiu 4:18

Ugbẹn vbe Jesu ghi lele ọkpẹn okun Galili khian, ọ miẹn etẹn eva ni re ọgbehẹn, Saimọn (ne a vbe tie ẹre Pita) kevbe Andru ne ọtiọnrẹn, iran gha ya ọga gbe ehẹn vbe uwu odighi.

Iwinna 27:17

Iran keghi siẹe la okọ, iran ke ye irri eso de okọ ni lẹga gbain. Afianma kegha fian iran ne iran ghẹ ya dunmwu vbe uzekhae oke ẹzẹ ne ọ rre vbe a gberra Libya. Iran keghi rhan ukpọn nọ yevbe ifuẹn okọ, ne ẹhoho miẹn ehe na gha mu okọ khian.

Iwinna 27:41

Sokpan, okọ keghi dekun uzekhae, ọ na ziẹn, odaro ẹre ke wa kpe ro, ọ ma ghi gberra evba, sokpan ogbigbi amẹ ne ẹhoho bi, kegha yanghan uhe okọ kua.